一生總有第一次

師父轉述話喇嘛翌日會帶咱們一同去浸溫泉，大家不要推卻〔其實一行人得我一個唔想浸，早一天個個去浸溫泉都係只得我無去到，呢句指令根本係向我講囉〕。於是，就成了我人生第一次浸溫泉的 experience。

在康定坐車去二道橋那邊，有幾間溫泉店。喇嘛帶我們去的不是車站旁那白色外牆大店，是沿著車路再走過十分鐘左右的店子〔忘了名字〕。七個人，師父發緊燒唔浸得，於是六個人一人一房一池，好似是六十幾人仔一位。

既然來到又入了房，沒有理由齋坐，加上見到溫泉水呈 BB Blue ，於是去沖沖身都好。係，我沒有浸，只係沖身。

據後來一位師姐講，池水好深，佢第一野沒頂。嘩。

雖然付款處分了匙有號碼，可是走到浴池那邊，還是把我們幾個亂塞入房。哈哈。

窗外的山坡上有馬…係，有馬！

嗱，我真係第一次浸溫泉啦！我無除哂身上的首飾，結果我一望到銀器變了銅黑色，忍唔住大叫起來。

幸好，幾條足鉑金鏈無變到。否則真係暈得一陣陣。

係我疏忽，還好有 google 可搜尋怎樣拯救還原靚靚。因為條絕版金蘋果牌銀手鏈我已戴了廿年呀，有感情。有感情。