我脾氣大…

唉。話說有晚同長輩夜話談起某個脾氣好大其實屬暴躁同野蠻的人…然後，長輩話：「你D脾氣都好大，佢仲勁過你。。」

無啦啦被嗆，我當堂窒左啦。除了窒左，還可以點，唔通吐糟，爆返佢咩。

我脾氣唔好？長期用任性行為和刻薄言語勒索我，令情緒繃緊，咁多年來食到滯我都無爆過佢，只在佢面前死忍…唔爆佢唔係連黑面都唔畀？對佢的忍耐已是骨灰級別，原來我還要笑住食佢兜面擲來的冷嘲熱諷，原來佢大話連篇可是我唔畀面笑住配合都係我錯。

原來，有公主病的人，唔覺得自己有公主病。或說，公主唔覺得自己有病。

正如當年我問八字師父長輩會否生性做人，佢嗆了我一句「佢係唔生性的，唔會因為一個大病而變得生性。你應該學睇化。」

……

嘿。