蒝荽餅

因為佛誕前後會跟師父回藏區，所以問定師父那邊有沒有 蒝荽 / 欒樨 餅食。哈哈，他說這個是客家粿點，在藏區是沒有的啦。因為他也喜歡吃，所以聽他口若懸河咁分享邊間齋舖的蒝荽餅好吃，邊間係正宗。。

真係…原來往年在某店買開的欒樨餅都不是真的欒樨葉做。使唔使咁爆呀！囧。

他遂介紹了我幾間，在元朗的佛慈齋有日我去到無哂，另一間就是圖中的。。屬於屯門新墟的妙法齋。那天我聽到都「嗄！竟然！」咁出了個好大好大的驚訝。因為如圖中一樣，件餅係呈螢光綠的色水，絕對能和印尼糕店的青BB甜品較勁。哈哈哈。所以住屯門十幾年的我，都未曾肯拎幾元買件餅來試。〔這店屋企以前常買芋頭魚，酸齋〔我係酸齋控〕咖〕

師父唔會呃我啦，我都好信任佢，所以佢講完之後我都買過三次，個個星期都去買。哈哈哈。真係好好味。

呢次食第一次，粉開糊了？所以兩件餅回到家中已黐埋一舊分唔開喇。。不過真係好味。

之後再買都無呢個問題了。

第二次都係買來當宵夜。

不過同師父講過會買上道場供佛，所以第三次我專程帶定保鮮盒由天水圍去屯門買了五個再出發去荃灣拎上道場。

說好的，唔可以走數啦。。

話說之前有日我說會回道場前去買，點之發生了一點事，朝早未夠八點就被師父召喚，問我可不可早點上道場。正在溫習中〔難得我假期無啦啦一早起床在廳做功課喎〕的我急忙換件衫就碌出去荃灣，還要買份早餐畀師父。在道場待到中午師父突然瞪住我問那餅食呢。。我話一早就上來。。來不及去店，沒有買喎〔哈哈哈〕。

當然，我都係要著鞋拎銀包落樓去就近的士多買些餅食供佛。

哈哈哈。