羊呀羊群呀！

〔汗〕因為無電腦，D相只靠手機執，所以，囤積了過千相片未搞。上年的台北行和尼泊爾，和這文上傳當下身處的世外桃源，都唔知幾時可以好好清一下相。

也許，真係要拎幾千出來買返部 laptop。因為，用手機執相，對眼真的很累很累。

話說回來，這是年初二在錦田郊野公園〔正確位置就不說喇〕遇到的牧羊人和其羊群。一直都知有人放羊，但勢估唔到呢日因為遵師父命令去挖泥，咁就畀我去到羊的地方和羊群正面邂逅。哈哈哈。

真係好正面咖，你睇，我被羊群圍呀。

放羊是兩兄弟。弟放三隻羊。兄就管一群，分工分工。

有皮膚問題的羊及準備生產的羊都有件衫著住。

我被羊哄緊。呵呵呵。

牧羊人問我一個人蹲在山邊幹什麼…嘩！呢個問題突然變得「真係好難答」。哈哈哈。

好開心呀。。

多謝神明，多謝師父。唔係佢叫要做，我都未扚起心肝去一下郊外，也不會這樣就和羊群巧遇在同一條路上，一起趕路。哈哈。