還得到至好借

星期六午又去油麻地上課，兩半到四半，提早出發去搵個地方食晏先，餓住真係上唔到堂。哈哈哈。聽到人講是日乃觀音開庫好日子，於是先行去福德祠兜個圈望望先。

這天陽光很好哩！

是啊，無借無念。一來我信等價交換，但，等價是怎樣計的又是另一回事啦！凡人間的等價都要議要斟酌，何況是凡人跟神明！係啦，個秤又點會一樣。係咪。

九億八千萬…其實係咩概念？你相信你值得擁有？你平日做了什麼大善舉小善行而值得有這獎賞？

都話啦，我真係唔知咩概念。

點都好啦，還得到至好借。

我，無借無念，兜個圈，拍幾張照片就離開去食晏喇。