早貓~

有雨的周日八點幾人在荃灣，在路上的小公園遇到似乎趕住去廁所的藥店貓。哈哈。

完全唔理我啊。嗚。

福丼．泰式豬頸肉飯

呢日試新款。個豉油唔對味。。至少唔係記憶中豉油拌飯的豉油味。

拍靑瓜

拍青瓜真係好好味。不過蒜泥的味在口腔內久久不散，可以點搞？

Thirty First of May

人在荃灣，食個晏先。揀了這間。

這餐廳的 Sunday Brunch 無湯無前菜供應。不過超平。

明明前一日才吃過燉飯，今日來到這間又嗌過。

飯的嚼感很好，是帶硬〔華人稱為半生熟咬感〕。我喜歡。

最奇係，負責人問我個飯如何，話見我食哂……

嗄？唔係正常要食哂？我心諗…

乜，好多人天一半地一半浪費食物？我又繼續諗…

理解不能。

🔺

同場。

店外位有一對男女帶著貓來午餐。我望著貓，陰公，不斷震騰騰咁樣，勁過皮禮士利呀，快D帶貓回家啦。

祝福貓。

難食

那天身痕去搵新店買食物，入了間店，本來要羅漢齋飯，點知收銀落錯單。伙計拎來知搞錯，但算啦，不用再轉。

回到公司…雞的味好怪，飯也劣，想點？怪唔得推門入內見無咩客啦。

因為估間店做唔長，所以不必開名。自己知就算。

大英博物館眼鏡布

上年有人送我一塊在大英博物館買的眼鏡布，對於沒有近視不用戴眼鏡的我真係有點R頭咖。買了擋藍光眼鏡，想起這塊布，終於有用得著的時候喇！

因為埃及熱，所以是埃及貓款。

一田上海菜

估唔到一田超市賣的上海菜都好味。

我揀了兩菜配薯粉…上海味道的筍，真係好味。

不過。。挺油膩咁。哈哈哈。

日出

某日日出非常靚，天空透著一道道光像雲朵串串，不過在行車中手機拍不到那壯麗。

呢幀如何？

南昌咖啡麵．台式鹵肉飯

呢日去深水埔買點東西，太肚餓，入了這間店咬了個肉。

好惹味。

IZIPIZI GLASSES

在書店見到呢副眼鏡，正，正好因為眼睛近年碌得多電話而呈疲態，最嚴重係睇3D電影會勁流眼水。平日望完電話都累得痛，所以買啦買啦。

呢隻法國品牌的眼鏡好多色，不過買這副當日這間店的款 / 色有限，不過到足以令我左諗右諗。在橙色和彩色框下，最後我揀了這 blue tortoise 色。是指玳瑁吧？烏龜？哈哈哈哈哈。

下次如果見到紅色，一定要試戴。

橙色都好吸引。後來發現達賴年輕時副鏡框都係橙色哩！下次再試！

+0 係我買的。

濾左 40% 藍光，對眼無咁易見累。正。

鏡片係黃色，依家我望東西都帶著黃黃的感覺。哈哈哈。

Official Link : IZIPIZI

活佛來

哈哈哈，其實係有日在道場，聽師父話要買野補返木書櫃上面十幾個窿窿。咁我哩，上網找，係有物料填窿啦，於是公司放晏就去了五金雜貨市場搵，見到呢個。買的時候因為人多沒為意，總之揀對色就去排隊畀錢撇…回到屋企影相才發現這個牌子…嗯，這個，會不會太神？

哈哈哈。

周月

去老銅上堂後遇上傾盆大雨，於是入了周月食埋個晚餐至算啦。

豆腐。

個湯好濃好正。都係推介。

呢碗麵過百。真係好奢侈。哈哈哈。

文昌誕

人在深水埔，又下住大雨趕兼時間，否則我都會了解一下拜文昌要多少，我都想快高長大聰明靈俐有書緣有人緣嘛。

我唔係講笑咖。

認真，活到老，學到老啊。

克己復禮。。在禮崩樂壞的年頭，守得穩很難。〔我唔謙虛，我真係禮貌兒呀。〕

祝大家身體健康。

安柏娃

是日為開庫日，素菜店都好爆場，於是趕上堂的我又去咬泰菜啦。

整多兩串串燒，豬肉同埋雞腎，正呀喂。

炒飯夠味，正正。

好想食泰式生蝦呀。。好耐無食喇，好想食呀。。

下次。。

燈蛾

呢日牠伏在玻璃窗外，於是拍拍拍。

月盡日。蔬食

原來藏密的月盡日要食素。於是這天要去搵素食。在公司樓下，得沙律可揀。

晚上去了元朗水車館街那邊搵素食，因為這邊有幾間。

搵到間食兩、三個小菜的飯餐。

好味啦。

桃木佛珠記

之前訂的桃木佛珠〔不上油不拋光〕返貨，於是又急急去Miss 間店度上課穿好穿好。

我說過越簡單越好嘛！上回是彈力線，呢次用了沒有彈力的紅線，加平結，好快就就穿好了。

除了桃木，店主還返了批新貨，於是，我買了朋友說過喜歡的紫心木畀佢。

而我哩，因為店主返了一串贊比亞血檀，而這個正是雲兄提議過我買的木，於是買埋帶走。

唔好誤會好貴，串桃木五十幾元，紫心〔紫羅蘭〕和血檀各<HK$90 有找啦。比起水晶，真係平好多啦啦啦啦啦。

條贊比亞血檀，色澤真係好靚丫。

夠喇。有三串佛珠，夠了。哈哈。

葡汁炸髀飯

呢間康年的廚房真係有水準咖。

雲上的弧線

某一個早，密雲，可是卻見到天上有一道弧線隱隱透透的。啊，那絕不是飛機留下來的弧度耶。

深信有外星人的我，哈哈，在天花亂墜了啦。

因為沒有焦點，對唔清鏡頭。陰公豬。

松記燒鵝

話說某星期日晚坐巴士，我頭站上車，得幾個人在車上，到第一個站時朋友倆上車，上層勁多位但偏偏坐正我前一行。篤緊電話就抬下頭望了一下。咦。朋友女友都係谷友，不過廿年來見面次數唔多，在街一定唔認得。所以佢揀我前面位我絕對相信唔認得我。而男的。。哈哈哈，我相信佢望到我。但當時見佢無同我打招呼，以為好避忌，加上我又好想瞓覺，所以都無相認喇。

翌日，我在谷度講返呢件事，當事人應機。咁撩下撩下，就成了星期二晚的飯局。哈哈。

五個人，地點就返住元朗的三個，所以去了雞地食。好有良心，另兩個住馬灣啦，荃灣西鐵線出閘就有車有船啦。哈哈。

咕嚕肉。

鱔煲

椒鹽豆腐

蝦醬通菜炒鮮魷。

包炸蠔的生菜。

炸蠔，黃金蝦。

燒鵝飯店梗係食燒鵝。

因為大家都少有大棚朋友圍爐的活動，所以都揀哂無幾可食到的三高小菜。哈哈。

唔知下次幾時呢？