JUN18．買書8本

去只收cash的書店，散銀唔夠，只買了三本：《中國傳奇小說》、《華山夏水》及《哲學問題》。

《中國傳奇小說》是林語堂揀選歷代特別的民間故事，把十九個〔其實有廿個，目錄少了「詩社」一篇〕較代表性的再輯印成書。虬髯客傳、鶯鶯傳，南柯太守傳，小謝、嫉妒、碾玉觀音、書癡、離魂記、人變魚，人變虎、狄氏、貞節坊、無名信、白猿傳、中山狼傳、龍宮一夜宿、定婚店、促織、葉限和詩社…

咦？唔通「詩社」係彩蛋之類的 hidden story？哈哈哈。

黃國彬的《華山夏水》。華山去過，唔知他筆下的華山，八十年代前的華山係點樣呢？不過本書不止華山。睇得幾辛苦下，詳情後說。

羅素《哲學問題》。揭過裡面，睇得明，所以買。

轉去樂文，買了《易經繫傳別講．上冊》。文兄台話必看嘛。

在另一間樂文，買了《起源》及《屍骨的餘音2》。

那天，在天地，有八折。咁…唔買本唔安樂的情況下，買返本漢娜．鄂蘭的《責任與判斷》先。

家中有劉以鬯的《酒徒》，不過睇極都未完，睇到人都走埋。既然在書店見到這本，講風月事，應該易入口吧。所以買下。

係啦，睇左。賣埋〔 via Sparktake 賣走了〕。

其實仲有六本書，一出糧就到書店訂啦，畀埋訂金。不過至今未收到書店通知到書。基於只付訂金，書又未到手，所以不計落六月度啦。