香茅蚊膏

經過K11地庫有間賣泰國土產的店，見有香茅蚊膏，12元，所以買一瓶試下。D味幾啃咖，而且係綠色的油膏狀，不過真係堅work。

話說有晚未睡著前有隻轟炸機低飛略過耳際，打個冷震即時起床開燈搵，見大大隻的機飛高飛低〔我唔敢用手去拍死佢〕，於是急急搽呢隻蚊膏去耳背位置，至少攻到隻機唔好飛近耳邊。呢頭搽完，都未熄燈，望下見唔見隻機…點之發現跌死左腳邊。用紙巾執走，一晚好睡。

於是，蚊膏傍身，坐公司車見到有蚊飛過，都唔理喇照搽少少到腳眼位保護一下。

惹蚊人可考慮。推介。