被溝記。

那天經過，見到櫥窗的各式香爐於是停下來望下啦，旋即有頭黃貓從店裡衝出來熱情地纏腳旁住。哈哈，因為想睇香爐，於是入店選購，而貓也亦步亦趨，跟在我腳邊。哈哈。呢條仔真係好熱情，好啦，我心動，我受溝喇。

老闆夫婦好開心咁分享貓的事，加上我唔捨得咁快跟貓分別〔全程在我旁邊〕，所以都跟他們聊下貓事。這貓叫「黃經理」，仔來。哈哈，我說曾見過隔壁海味店的貓過來搵佢，店主話係呀，佢地好 friend 咖，會過店見面一齊玩，不過玩得太忘形你追我逐跳上跳落不免會 kick 跌貨物。聽著都覺得好好笑。

好開心，我可以抱到佢，佢完全唔抗拒亦無喵喵叫以示不滿。蛋蛋走左後，我無抱過貓，也沒有幫貓R過頭喇。呢日我可以一展身手，好開心。

講緊貓的糗事，佢聽到後擺出一副臭臭樣…

呢張我放在面書，朋友話呢張側面唔似係佢溝我喎，我話，佢情人多，唔方便入鏡。哈哈哈。

招呼完，扭緊老闆娘開罐罐。哈哈。

下次再見~