Tim Burton 展

吃飽飽之後去了展覽，是 The World of Tim Burton。平日門票HK$180元。周六日就HK$220。重點係，HK$220元，要跟多少人同時擠在場館內呢？連展覽館都可以莫名其妙人頭湧湧用口睇多過用心睇展品的香港，想想，都係揀個平日放假去看好了。

當然，我曾想過咁貴不如唔好睇喇。不過又唔想後悔，因為我都係睇佢電影大。哈哈。好啦，錢洗左，搵得返。

門外的公仔無人排隊拍照，買門票連隊都唔使排，正。

場內不准拍攝，都好。可專心地欣賞記下他的 art works。展場好大啦，分了幾個區，連他十多歲寄去迪迪尼被彈回頭的手稿都有。場內還有他拍的短片，stop motion，8mm 啦，還有他用 20 X 24 Polaroid Camera 拍的奇幻照片，電影 figures ，構圖，電影片段，卡通片，Music MV〔The Killers - Here with me〕，隨手抓來用鋼筆畫畫的餐紙，酒店紙張…當然還有用畫紙作的水彩，素描，油畫，粉彩…等等。真係好勁，純用白色粉彩都可以畫都出神入化，真係靚到癲。

看到作品中的生命！

就係咁，我在展場內竟逛了三個幾鐘！真係睇得好開心！幸好有去睇，否則就錯過這麼精彩的展覽。

場內有學生們拎住畫簿對著作品在畫在仿，真可惜，沒有那顆心，是仿唔出當中的神髓呀！

香港的展期到23號，已完了。希望你沒有錯過這個展覽啦。