NARS

係…依然是2016的事。So far 到1月5日〔此文寫的時間〕，唔計食同車費及報 courses 費，我暫時只係用左七十幾元咋。而那七十幾元，都係買了一本書。哈哈哈。

回正題。

話說我聖誕假期時拎支植村秀碎粉掃大清洗，一路諗，支掃用了超過六年，保養唔足，每天就有斷毛留在臉上，咁，係咪表示支掃老得不行，應該買過支新的碎粉掃呢？當然，洗完支掃邊得來咁快風乾丫。於是心思思買支新掃。經過心愛的 NARS，就出血。哈哈。

當然，又學到新的上妝知識啦。因為店員話我臉的粉不均勻，加上已大半天，妝又有點溶，如果個妝化好點，咁就無咁易溶妝。於是就乖乖坐在店內由店員幫我抹走臉上的粉底再重新上妝，上一個感覺輕盈，又維持得耐的妝。

咁樣寫，係因為這陣子我真的跟著這方法上粉，效果真係好好多。至少在乾燥的室內環境，下午都不須用吸油紙印走面油。真係好滿意。

買了四樣東西。

1/ Optimal brightening concentrate。
呢支精華素可以摻落粉底液一齊上妝，粉底貼好多。勁好用。

2/ Boton Kabuki Brush
這個大掃好用，連我之前因為唔貼妝而放埋一邊的碎粉，用這個掃上面都無突兀感。正。有點像131。當然，這支掃貴好多。

3/ Soft Velvet Loose Powder
原來無出大黑盒那個碎粉盒喇。這盒係 flesh ，唔再係之前用的 eden 。哈哈，我真係白了點。

4/ Aqua gel luminous oil-free moisturizer
呢個係堅好用。不過以前覺得好貴，唔捨得買。好啦，因為店員幫我在上妝前用了，於是忍唔到再買。

哈哈，呢四樣野，盛惠二千四。

我好忍手咖喇，你估店員只用了這四樣東西上我面咩。還有五六樣咖。唔買住，點都要清一清家中的存貨丫嘛。

當然，以前覺得 NARS 粉底液太薄，那晚再用，因為上妝方法唔同左，又真係遮到瑕疵。

再諗…啦。