Orgone 能量塔

之前想買金字塔，上網搵水晶，竟搵到五彩繽紛的 orgone ！好靚卻賣得好貴，咋舌啦。後來搵下搵下，見到本地都有教整 orgone 的課程，咁，去買不如去整一個親手做的能量塔啦。便報名上堂去。

我報的班叫「五行．能量塔班」。導師 James 是位研究五行周易星相風水的先生。他首先講講中華傳承下來的五行，金木水火土，相剋相生，再教導學員自身想求順的方向，按列表選擇合適的晶石材料做能量塔的「餡」。

因為我腎差，耳竅半塞，五行欠水，水屬黑色，於是主色就揀了多深色的石，如黑曜石，綠松石，堇青石，還加了幾粒紅瑪瑙，金箔，鐵珠，生命之花，橄欖石。。還有。。唔記得喇。總之塞哂落個矽模度加 AB 膠。堂係包整兩個能量塔咖，不過另一個就係半圓形。於是我又塞塞塞。

乾透了之後，就成了下圖裡很漂亮的能量塔。呵呵。

我真係塞到個能量塔滿滿的。

後來，課堂負責人跟我說，James 用靈擺試過脫模後的能量塔，說好 powerful 呀。真高興。呵呵。

是的。課堂中，James 用靈擺垂在晶石上邊，見到靈擺在狂轉。即使他之後用玉介指去當靈擺，都有同樣效果。可是，第一次試玩靈擺的我就感應不到。結果，我當然要搜尋自己專屬的靈擺啦。唔係我點親身感受到我的能量塔有多強呢？哈哈。

靈擺的事下篇再說。

這個課程好開心，下次有班又時間夾到的話，我原來可以加錢整個大點的能量塔。會再去上堂啦。。