680g Amethyst Geode

由買第一件水晶到依家都有廿年，終於扚起心肝買舊紫晶簇。明明 amethyst is the birthstone for February ，哈哈。我卻一直嫌佢隻色「娘得滯」。這台紫晶 Amethyst with 黃磷鐵礦 Cacoxenite ，可能加了點點黃磷鐵啦，色澤像一盤晶瑩剔透的提子，確一見就心喜。明明未諗到放在那裡好，諗了兩日，還是先舉手買買買這舊磅半晶簇回來。幸好，店子的工作室同公司只隔兩條街，所以都不太難搞。哈哈。

有個都曾買不少水晶的同事見到，問我這個晶簇要不要過千。。哈哈，其實五百四咋！佢都覺好抵。係啦，在街舖已鮮見呢個價位的水晶簇啦。如果有睇外國賣晶石的網頁，其實好多水晶都好便宜。。係香港的商店炒到貴哂。

這樣看著也覺神怡。

上次學五行水晶，導師話，如果在工作地方多麻煩，唔好擺黑曜石之類，最好放粉晶。與其擋去不好的事，不如用粉晶把不好的人和事化解，大事化小，小事化無，大家心情好，自然易相處，對方也減少抽秤自己喎。嗯，有道理。

這晶簇仍在公司檯底。。未諗點處理。。