買袋

自從睇跌打移正返鎖骨同肩胛後，每次揹起幼帶的手袋就不停滑下，而且小手袋帶太幼令重量太集中，肩膊好痛，一郁，又滑下來。反正布製的小手袋早已起毛頭，是時候買一個大尐尐，帶粗尐的袋用。不用天天返工又手袋又 tote bag 袋書，其實一袋二袋都真係好論盡。

阿桔買袋好煩。首先要合眼緣，然後，盡量不揀真皮製的袋〔個銀包真的偶一〕。當然，價位亦在考慮之列。畢竟平日用來返工放工用之嘛，返到公司就塞去檯底直到放工，真係不必買個幾千或過萬的袋囉。有心水都唔好咁。

無啦啦在時裝店見到這個帆布袋，真係大大本的書都放到，三百一咋！拍板！