DIY．面膜．牙膏

去超市買了幾樣食材：檸檬、梳打粉及紅糖。

在連鎖超市見到這盒小檸檬，廿元有找有六個，很合用。梳打粉多是內地牌子，於是阿桔揀了這個英國老牌 Waitrose Cooks ，而且，一尐都唔貴。紅糖很多牌子，阿桔揀個本地老品牌。

整乜？去角質面膜和美白牙膏囉。

LV 副線的 Fresh 有個 Sugar Face Polish 勁好用。不過阿桔覺得貴，唔捨得買來用。你知啦！幾百元，買到好多本書咖喇。當然阿桔有用過坊間另一隻牌子的黃糖面膜，不過氣味就真係麻麻，而效用也不及 Fresh 。其實一早知點樣自己整呢隻面膜，呢日真係扚起心肝去買料整囉。

係。見上圖就知其實材料好簡單。紅糖，再溝埋落蜜糖度攪勻就叫完成直接敷上面。第一次整，用了2.5匙蜜糖加3匙紅糖，攪勻發覺份量多了。下次再溝各樣就可用少尐尐。

網上教敷上面再輕捽，五分鐘左右就可清洗去。阿桔敷多少少時間，總之，用過感到塊面好滑溜。。

真係平靚正。

不過，阿桔的那瓶蜜糖又真係堅多組合，可混落杏仁粉，綠茶粉，紅糖，或齋敷都好好用。

至於 Soda 同 lemon 美白牙膏，係把鮮榨的檸檬汁加落適量的梳打粉，起泡，攪勻成沙冰狀，再蘸到牙刷上刷牙就成。當然無可能一次就見效啦！網上說刷一次牙用半粒檸檬，所以阿桔在超市見到較細枚的檸檬真係好合用呀。

有牙齒敏感的別擔心喎，這檸檬梳打唔係酸的，而係鹹鹹的。

〔汁太多，太水了。其實可加梳打粉令其吸收變成沙冰狀。〕

當然，有興趣可去 google 度 search 「soda lemon teeth 」搵資料。

除此次外，阿桔遲些要買埋椰子油做油拔法，據說都有同樣美白牙齒的效果。用天然的東西去解決身體的問題，不妨一試。

不過哩，阿桔的護、養、保顏東西，已令廁所變成個實驗室咁喇！加上食材放在廁所不太好，所以蜜糖在廳，紅糖，食油，梳打粉在廚房，面膜在雪櫃。唯獨綠茶粉在廁所。

好勁！