兩面鏡

每次踏出家門口，都有重生的感覺。真的需要吸一下清新的空氣。

有朝男長輩煲菜乾湯，開大火煲了兩個鐘有多，又唔開抽氣扇，熱空氣攻哂出廳。坐在廳的我完全頂唔順，走去開抽氣扇。後來女長輩回家，看到煲內湯水少到幾乎只望到菜乾，就問男的係咪趁佢出街就開大火煲湯，煲剩得兩小碗湯，有無搞錯。

因為女的回家前已熄了爐火，男的就話無開大火呀。無呀無呀。重賴落尐菜乾度，話菜乾好索水。

我在家，飾演死物。不發表所見到的真實。尤其係目擊有人連這麼小的事都要睜大眼講大話。 當一個人幾十年來大事小事都要講大話，其實真係好討厭，亦令人好厭倦。

估一下煲湯點。。

女的加水再煲。。不消一會就話煲好。

本身湯水的營養早已蒸走哂啦。這煲充其量只可叫有味水。

真係飲唔落囉。