永年士多

因為要去元朗買野，所以去了永年吃車仔麵。嘿嘿嘿！因為店外成日大排長龍，至怕排隊的一直怕怕。所以呢次係阿桔第一次去永年。大概是因為今晚係母親節，所以人流真的疏落。

佢個汁好得，阿桔明明要少辣都頂唔順。加上阿桔不知何年開始食野有個不好的習慣，一邊進食一邊用口吸氣。不幸地因為咬菜時有點辣汁吸了去錯格於是咳了一陣。真係鼻水都出埋。〔會不會形容得太真實？〕

而另一件屬大檸樂的事，尐油麵從筷子滑回湯裡時咖喱湯汁濺到白衫上！開哂花啦！小確幸是當日著的是一件大連鎖店的平價 tee ，否則真係喊得一句句。