忙裡偷閒

那天要接阿媽出院，所以放假。因為半夜及天光前被蛋伯召喚服務多次，早上七點幾又再打理了貓的食用，砂盤和打針後頂不住睡意再撻落床補眠。睡到迷糊，阿媽從醫院打電話來話等醫生批出院。想必至快都要一點後吧，於是聽完電話又沉沉睡去。又隔了一陣，阿媽又打來，叫我去元朗博記接佢前先去屯門家庭醫生度配敏感藥。她催我早點去，因為診所收十二半而且醫生翌日開始放大假。。嗄？睜大眼望一下床邊個鐘，十點左右，突然要向左走向右走，而且兩度地方都要轉車，真係唔即刻仆起身都唔得。

西鐵加輕鐵，回去了大興村。肚餓，去了賓墟食埋個乾炒肉片河做早午餐再去元朗接出院吧。呢間快餐店，在大興村有三十幾年歷史了。

坐輕鐵到兆康，在西鐵月台，阿媽又打來問我位置，說她已出得院喇。

去到元朗站，等極小巴都爆，於是又趕去轉搭的士去。。

總算又過一關。