《少女椿》

在 YouTube 看了丸尾末廣的《地下幻燈劇畫—少女椿》，日語配英文字幕。可能呢輪睇埋尐古怪野，YouTube 自動揀了古怪的片子畀阿桔睇。片子一小時內，卻十分夠皮，真係核突得來，意識都好恐怖，睇到好鬼驚。

故事是昭和時期的東京，是戰後吧！百廢待興，故事中的少女椿，父死母病，想上學，但實情窮到連飯都無落肚。她在品流複雜的夜市賣花，遇上一位關心她安全的叔叔，著她有需要可找他幫忙。回到了家，發現母親病歿，而且死得好核突。。孓然一身的椿想起那男人可投靠，於是便去找他。。怎知，男人原來是見世物小屋〔Freak Show〕的主持人，他的表演團裡集了幾個為世所棄只能靠以展示畸形身體去獲得收入的異人。由於他們的生命裡根本沒有尊嚴，所以椿走進去，逃不出，淪為他們出氣甚至洩慾的女奴。本來一心想上學的椿，跌了入火坑囉。。故事後來，沒有像大婆台咁乜叉劇都以和氣喜樂收場，是一貫的悲劇告終，真係睇到灰哂。

雖然是動畫，但要SM有SM，色情有色情，血腥有血腥，暴力有暴力。。所以望住畫面，有點像 A Clockwork Orange 中 Alex 被撐眼睇片懲罰性洗腦咁。好累咖其實。

真重口味。

唔知咩原因，阿桔對日本人的印象，一直充滿江戶川亂步筆下那種畸形又邪惡的人類，一係貞子呀咒怨呀阿岩呀那種。這種想法，不知是何時深植於腦裡。

夠了夠了，近個星期真睇了不少不正常片，搵尐正常野睇睇平衡返心理先。