巧驚驚的士多貓

返工的日子，總會經過一間士多。知道店裡有貓，亦見過多次，但牠很少走出店外，所以一直未曾拍過牠。這天絕對是吉日吧！在附近茶記吃過早餐後再經過，竟見牠在店外小食車的附近逛著。大好的拍貓機會怎會放過喎！完全不理自己一身恤衫西褲手袋，也不理路人目光，就即刻掏出手機蹲下拍貓。貓呀！此時更攤在地上扭來扭去示好要玩，真係好過癮。

不過，有人太興奮，竟失手啪一聲把手機跌落地，嚇得貓即刻竄回店內。走前，見貓不停對店中人喵喵叫，有人話貓係嚷著要開罐罐。。但，經過阿桔再三推敲，案件重組及記錄，貓其實可能回到店內跟人說牠在店外被無聊人嚇一跳，巧驚驚，所以要投訴！

有人為貓而跌手機落地那刻，連士多店的人也露出緊張的表情啊！

望住生魚一樣的手機，加清脆的觸地聲，真係連阿桔都巧驚驚啊！

不過，這士多貓看來比浪浪更髒哩。。本來是分明的乳牛色，卻一身灰頭土臉似的。