又一間茶莊

話說阿媽早幾日經過西營盤均益，見到有間叫「又一間茶莊」有阿桔想喝的廣西六堡茶賣，於是致電問桔有無興趣。結果嘛，這一個由竹篾編成小籮盛載約一千克多兼十年以上的六堡茶，以外銷價三百元就買到，晚上已安頓在家中喇！

竹篾上都積了一層塵，而且阿桔既怕竹篾割手又怕有刺，加上茶葉壓得很實，阿桔足足像刮家庭裝雪糕般拆茶，哈哈哈！拆了半個小時多才把整籮茶葉移到三個大玻璃罌裡。其間還用力挑茶過度令少量茶葉散飛到地上。哈哈哈。手忙腳亂七八糟呀呢次！

拆得咁辛苦當然要即刻泡出來試啦！跟阿桔之前買的味道稍稍不同，不過一樣很香很滑，飲了兩杯。

雙飛人可飲用，但呢個絕對係做比例。哈哈！

是阿桔杯茶。

最進擊還是阿媽，她這晚飲了四大杯！

話說回來。當日阿媽跟老闆娘說是代朋友買六堡，老闆娘就叫她跟阿桔講叫桔來這店試茶買茶，因為店裡還有其他的六堡發售。還說她店的茶葉主要是外銷去臺灣〔其實是貿易公司開的店〕，所以價錢實比其他的茶莊或公司賣的便宜。〔的確，三百元一籮茶葉真的有點癲價！〕

老闆還說桔是識貨之人，識飲袪濕去積消滯暖胃的六堡。遂再盛了兩三兩她自己飲開的陳年六堡畀阿媽帶給阿桔試。當然，還有一張名片留給阿桔。

有機會阿桔會去睇睇。想來，可能老闆娘見到阿桔會很訝異吧！怎會來了個後生女！〔關於飲茶這門藝術，阿桔實至名歸係後生女啊！〕