買護髮素

女生嘛，用在身上的東西，總是捨得花錢。尤其是阿桔的皮膚非常敏感又脆弱。

自從阿花介紹去天麗〔Aroma Natural Skin Care〕買護膚品後，阿桔想買什麼時都會上一上這店睇睇。因為有好幾隻醫學品牌之前都用過。所以要 refill 什麼直接上去買就非常方便。

買噴霧是首要，見到有 Aveda 護髮素，也買一支試試。這品牌嘛，一直想試，湊巧家中的護髮素快用完，正好可以添置一下。

阿桔由中學到現在都有皮脂炎的困擾。時好時壞，在超市或萬記屈記架上林林種種普通牌子洗頭水早已入黑名單，即使強調日本製造呀經過實驗證明呀，用在阿桔的頭下，不知怎地只會越用越頭痕。即使標榜有效治頭皮屑，阿桔用過後都只係藐爆又愁爆。早幾年在 NIOXIN 做了個頭皮護理療程後，頭皮屑的問題才得到正面的改善。自此，阿桔一直就用此品牌的洗頭水〔1L要三百八〕和 scalp therapy 〔1L 差不多要四百五！〕。長髮阿桔一個月用畢一支1L，即使是去街上的理髮用品店買水貨，條數依然幾甘。不過，這支 scalp therapy 真係好正，用過就知！它沁在頭皮上涼透感，真係好爽！

不過嘛，有時都想轉一下品牌啦！所以見 Aveda 支 Scalp Benefits Balancing Conditioner 由HK$220 折到 HK$154，加上標明係 Scalp ，雖然得 200ml 一定用唔到一個月，不過想試嘛，還是放入購物籃啦。

在香港的 Aveda 官方網頁見不到這個。在外國的網頁就找到。不知何解。