自置恥笑區

見右手仍痛，下午早點離開公司去睇跌打。師傅得知阿桔右手未好哂又整多劑趴街傷埋左手，且一個星期內發生，都笑係咪邪。鬼搤眼啦。當時真的看不到地面的凹陷呀！利申一下，無玩緊手機亦無聽緊歌，純粹整個人「莫名其妙」看不到路上有陷阱就趴了在地窿上面。

好了好了。師傅說右手應在跌倒時再觸了舊患〔想想，趴街前的大半天真的沒有痛過〕，可是真的對突發意外右手有無撞到什麼真的沒有印象，不過手肘有十分輕微的擦傷。捽完右手，他順便睇埋左手瘀黑的手指。他邊捏著邊說無名指的骹位歪了啦，然後就用力扶正。本來仍痛的指節，再被他運勁拉捏，真係痛到入心入肺。又暈又震，冒哂汗！

結果嘛，一陣之後，本來蝦醬色的關節位置，變了紫紅色。。

回到家，包紮了右手，左手手指要待明天處理，兩手同時要拆敷料，又要化妝又要洗頭，明早返工前搞咁多，一定亂成一團！

電影的中屍毒的角色通常都係咁樣色咖。。

慢打字還可，打快一點就痛。。望住手指，連自己都覺得慘不忍睹！

蛋蛋呢期好似安信兄弟咁。。