湖舟

一直都想試銅鑼灣的湖舟，不過總是有不同原因而一拖再拖。結果，幾乎是一年後才有機會試。當然吃午餐啦！雖然阿桔算捨得在食食食上揮霍一點，但是看了餐牌還是有點咋舌，啊，比壽司廣和見城貴哩！不知品質是否同樣「更上一層」。期待。哈哈哈！

飯腳和阿桔，點了壽司特上〔HK$315〕及貴女三色丼〔HK$238〕。阿桔呀，只要有得食海膽就行。不必點最昂貴的餐。

整體來說，魚生好新鮮，海膽都好好味，阿桔和飯腳都好滿意這一頓日本菜。之但係，無論點都覺得好貴，有點肉赤。莫非當中的費用有部份是基於店在銅鑼灣？所以，咱們一致結論和決定，想吃海膽想吃魚生的話，首選都係去平靚正加埋一和一人咬多一件海膽壽司都係二百五左右就可落樓的見城好了。