金玉滿糖

想吃甜品，想起山林道有間甜品店。可是走到過去發現結業了，原來人的記憶真係不可作準，事關我到了店外，才記起我是知道甜品店結業了。恰好，見到斜對面有間叫金玉滿糖的新租品店，好啦！就試這間吧！

我點了一客鮮什果涼粉〔35元〕，朋友就點了一客牛奶雪花冰〔38元〕。

當那碟比大牌檔的碟頭飯還要大碟的牛奶雪花冰上桌時， 我看了堆如山的冰和涼粉鋪在魚形碟子裡，就忍不住失控，哈哈大笑起來，嘩，乜咁癲呀！38元咋喎，咁誇？朋友見到雪花冰的驚人份量，心都打個突咖，一樣忍不住笑。我心諗，好彩唔係我叫咋，否則一定會食到反艇！不過，不知嚷著這碟應是二人份的朋友會如何？在不想浪費食物的大前提下〔幸好之前吃了一頓拉麵，不甚飽肚咋〕，結果，我像傻婆一樣笑著看朋友把整碟冰清空。勁呀！真係食得乾淨俐落！

當然，雪花冰味道不賴，否則再大胃都食唔落呀！

碟雪花冰真係大碟，所以阿桔從口袋裡掏出一枚硬幣放在碟邊一起拍照給比對。呵呵呵。