被無奈罩著的COCO壹番屋

1月3日，和Y到鱷魚恤中心的COCO壹番屋食餞別午餐。大家都點了忌廉蘑菇雞肉咖哩飯。結果哩，這兩碟飯足足等了差不多40元鐘才出現，激死！其間我們有問過侍應咖，佢苦笑話成個廚房得一個人返工，所以要等稍耐的時間才出菜。唔係呀化！其實，店面都唔好得多少，只有2丁人，負責哂所以工作。但相比起廚房那位一腳踢的，也不算幸苦了。可能真係應付不到食客，店員索性走到門口對門外等了良久無人理會的食客講廚房人手嚴重短缺，所以我們見到那些人即時四散。嘿嘿。。而我倆呢？因為食晏的人越來越多，我們起身轉場都一定要等位。。只能苦笑但悻悻然問點解得一個廚仍然拉閘開舖。。正當我有打算起身去老麥〔其實一樣係排長龍〕買個餐算喇，這時我們的咖哩飯就上桌喇。

Y計劃好吃飽再上商場買點東西，於是碟飯，我們兩人三扒兩撥10分鐘內食哂。結果，咪搞到兩個人都胃痛收場。最好笑係，差不多清碟的時候，Y望著自己隻碟的咖哩汁突然想起我們叫的是蘑菇飯喎，怎麼不見了蘑菇？「係喎！」已經清得七七八八的我才恍然。我打趣說，算啦，碟飯有出現還靚靚仔仔咁上桌已很好咖喇，唔好追究喇。

這間店哩，再好吃都要BLACK LIST喇。我不得不懷疑員工集體失場是制度或人事問題囉。