再一次當熱血青年

適逢阿桔要請假一天去醫院作半年一次的覆診，所以那天在QE順順利利見完醫生後，便按原定計劃，信步往位於QE後面，京士柏紅十字總部捐血去。哈哈。平日加上「地點較不便」的輸血總部，如果我仍然話捐唔到，分明就係龜縮。哈哈哈。

看記錄，我上一次捐血原來係06年。06年中得知隻手有腫瘤後，呢幾年因為做不同檢查都會有輻射，所以都無去捐血咯。而我，也不曾刻意問過醫生我適宜捐血否〔因為每次在醫生面前總是變成緊張桔〕。

扯得太遠。。

話說，那天，上到去輸血總部，果然，得幾個人來捐血。匆匆填好資料，見姑娘，交代一下身世。即使桔做過器官移植的手術，姑娘說，其實都可以捐血。於是，我很快便帶到捐血室。

姑娘問我要不要麻醉，但當我話要之時又說咁大個人又做過咁大手術，呢一針好小事，不必麻醉啦。咁，人家真係怕札針的痛丫嘛！而且，不是我提出要求喎，而係她主動問我先咖。

結果，在沒有麻醉之下，針插到肉，身體還是反射性地掙扎一下，血管收縮一下〔我就是知道我會這樣才想先打麻醉針。不過，依據過往經驗，打過麻醉針再插輸血那支針，還是十分痛。〕。

幸好，我的血管夠粗，整個捐血過程都順利完成。