My Nephew

這幾天，因為桔媽被徵召去幫手，所以這個星期在家中的話題總離不開這位「飯團」〔好像是妹夫替他改的，因為胖臉很像喎。〕。出世才一個星期的飯團，已給父母給親朋戚友拍了大堆照片。因為太得意，我也放幾張在這裡。

我和桔媽都有疑惑，通常初生的嬰兒都有甩皮和皺皮的情況，點解飯團沒有？

加上雙眼皮，兩個小酒窩，一個兜兜的下巴，紅紅的櫻桃小嘴，高鼻樑，表情多多但樣子端正，靚靚仔仔，像滿月的人仔多過似出世幾天的人仔囉。亦因為咁，個個愛不釋手。

桔媽更讚，人話聽話易湊唔扭計，無乜點喊只係『eerr』咁講「BB話」，有時睡到要他們弄醒飲奶。〔好似講緊一個六、七月大的人仔！〕

快十二朝喇，我只見過飯團一次咋，搵日得閒就去家訪家訪。

快高長大呀飯團！

〔飯團個背面照似唔似蠟筆小新呀？哈哈哈。〕

P.S. 其實上星期二我多了一個兒甥飯團外，十六日那天也多了一個表甥。表弟也榮升新爸爸。恭喜哂。