攝下南華騎飛馬的歷程

28日在小西灣運動場上演一場南華對天水圍飛馬的球賽。嘿嘿嘿，因為B買了支新鏡頭，且係支500mm遠攝巨炮，於是問身痕的我有沒有興趣join埋佢和G去睇波兼試鏡。於是，從未睇過現場球賽的我就這樣因為一支鏡頭發生了人生其中一個第一次。嘩哈哈哈。

鏡頭正就係正咖喇，但一拎上手我就心死，因為太有份量，我纖纖「肉手」絕對無可能長時間托著鏡頭拍照，無力再轉焦距，連孭上膊拎出街都會背痛！得個睇字囉唯有。。

不過都好開心，B仲將支鏡接上我部相機試玩！Yeah！當然，拎他那部幾皮相機拍照，更Yeah！哈哈哈，開心之餘，總之小心奕奕為上！

講回場波，確實眼界大開。。

上半場天水圍入兩球，南華抱蛋，場邊的球迷有叫「回水！」，有的爆哂粗，熱血沸騰。後來，到下午場，南華忽然發奮，連追兩球攤平還要入多一粒，埋數3比2反勝了天水圍飛馬，很多擁南躉都開心地離場。

我比另外兩人早入場，依據西斜的方向而揀了一個好位置，讓面向鏡頭的足球員不會因背哂光而黑哂面。不過，這場波火藥味也夠濃烈，球員不時撞到跌低，有時被撞低那個索性攤在草地上擺出痛苦表情典左典右，不過轉瞬又可繼續踢波，匪夷所思！但，有些真係假到過火位囉。莫非有些球員跟我一樣喜歡碌草地？

亦因為有不少這樣的爭執情況，完場後兩隊一同離場時，有人不忿對另一隊出言出手，幾乎在場邊揮拳打起上來。

真係熱鬧。

有人叫我支持天水圍飛馬咖，不過，不熱衷足球比賽的我完全搞不清球員的名字和實力，怎能胡亂助威？我連南華隻聖獸都係第一次見，連佢叫什麼名字也不知，我，只識球隊的「吉祥物」陳七咋。。

況且，醉翁之意真的不在酒呀！哈哈哈。

唔好噓我呀，飛馬有個隊員在完場後即上演求婚大作戰呀，我想他一定放了很多心思去籌備和等待此事。