未來日子將會無啖好食

很難想像整個社會的環境會像差利卓別靈的《摩登時代》。。而且，目前的個人財政狀況比那時更複雜。這陣子關於NPL流言頗多，據新聞報導有公司要員工一個月要放4日NP，計落即係差不多無1/5人工。拎起計數機用同一巴仙計自己事，減去日常支出及每個月各項分期，剩下來的雞碎使費根本無1/5。咁，如果我公司效法那間公司「共渡時艱決策」，到時我就真係完全入不敷支。真係越想心越寒。儘管這個時勢，早應認命。但陣腳一亂就真係好惶。幾份分期無得cut；保險無得cut。。甚至完全唔食唔買放假只窩在家發呆都填不到個水窪。。唉，不知公司等到何時才 announce 其決定。。搞到我現在終日憂柴又憂米。囧。大循環，個個口袋都無多餘錢花無多餘錢用，經濟又怎會好？

為了紀念曾有啖好食過，為了面對這一段無啖好食的日子的沖擊，趁機把近日一些食食食的相片放上來。

也許是今年最後一輯跟食有關的相片。
北角碼頭附近某茶餐廳的片頭魚皮米線。

@ 太子花墟附近日式料理店。芝士年糕薯餅和雜錦刺身飯。

芝士年糕薯餅這個組合真的好惹味。

雜錦刺身丼份量不多，感覺不heavy。雖然我肥，可是最近食量反而比以前細，吃一碟飯經已產大量GLP-1， 真係無鬼用。
大家樂的近月勁推的咖哩牛腩飯。可是，我還是喜歡以前那味道。計起上來，自從OFFICE搬出中環這七個多月，完全無吃過大家樂的咖哩飯。

跟同事講起也好笑，畢竟在中環時個個星期都買咖哩飯回辦公室食，弄得咖哩味四溢。。哈哈哈。
TEA @ Cafe Sogo - 格餅加炸香蕉。CS的格局及Style真係好似歐洲的美心。。

雜菜拉麵 @ 北角八番拉麵。 本打算去食漢堡包，可是健威坊那邊搵極都唔見那間漢堡包店。。洩氣。於是去了隔鄰商場地庫吃拉麵。

究竟間漢堡包店是不是摺埋了？

螺肉太多，食到我消化不良的通粉 @ CAFE EOS

莫明奇妙，又點了這客長通粉。。一口氣吃了太多螺肉，整晚個胃都不太舒服。。

MOS 啦。。 我要了B餐，是配炸鳳尾蝦。想飲凍搽茶奶，所以加錢改。。MOS的包小巧，滿足哂我這種口痕多過肚餓的人。雖然我真的餓到個肚咕咕響。

肉絲炒麵。。。和。。。炸沙律蝦卷

南瓜餅！味道勁似年糕！

和朋友到大榮華飲早茶。。 一見點心紙，樣樣都想要。。

敬輝農場的豆花。。好味！