書店泡到江戶川亂步

星期六下午在旺角，聽完講座吃過王家沙後心思思想去西洋菜街泡書店。書店在奶路臣街，如果由鼓油街隧道過，要走一段勁塞人的西洋菜街。如果用最近的奶路臣街過港鐵隧道，又會在銀行中心出口處跟幾百人擠成一餅，終於決定行到亞皆老街過斑馬線去西洋菜街。。幸好走另一邊，才遇不上那場簡直是謀人命的水彈。

泡完樂文離開，想起同事曾講過想看《天讎》，所以順道上多一層，去學津買給那位同事。學津真是一個藏書寶庫，很多絕版多時的書籍也可以找到！唔信可以上去睇睇！不過記緊帶備濕紙巾抹手，因為書堆裡塵埃頗多，摸過書手指也沾了灰。

當時我真係叮囑自己唔好再買書畀自己。。〔自辯〕可是，當我見到江戶川亂步的書時，就即時兩眼發光，幾乎興奮到想振臂大叫『YEAH！』。。自從看過了《亂步地獄》這電影後，走過不少書店嘗試找江戶川亂步的原著看，可惜遍尋不著。就連數間網上書店也指缺貨。不懂日文的我，尋不到任何中文翻譯版，再不惜也幾乎要死心。怎料，竟給我在學津見到！嘩！突然間想起好人有好報，因為一次「順道」之行，無意得到我夢寐以求想得到的。。嘩哈哈哈哈！如獲至寶的心情，真係好YEAH！

〔想當時努力忍笑的表情，果真是一個變態女。。〕