收到禮物是挺愉快的事

〔以下繼續是本人情緒式的發言〕

簡直是一個瘋狂的飯局。明明在座只得6個人，但點完菜後大家都抖出禮物出來互相餽贈。一抖，便抖到一檯都係！忙於拍照大笑及拆禮物，無實際數過檯上一包二包禮物有幾多，不過應該至少都有三十份。海嘯期間還這樣揮霍，真係闊綽到近乎過份地刺激經濟。。

不過，收到禮物還是挺愉快的事。

• 今年對我來說真係被Crabtree & Evelyn海嘯撲到應一應。。事關明明都無匯豐信用卡的我，半個月內竟收到9大支即3 sets Crabtree & Evelyn 的 hand therapy！是次飯局，我收到2盒！我一年都用唔哂一支呀〔我公司和家中各有一支用緊，都係上年的禮物。。〕，不可任由它變壞，只好割愛。。我媽就好開心咁隨手拎去6支。。
• 敷眼mask一個。。好多晶珠在滾動哩！戴上眼拍了照，可是臉上瘡瘡太多所以不敢放上來趕客。
• 鬆弛熊套暖水袋。天寒地凍半夜三更捉阿肥仔蛋和鬆弛熊合照，老貓擺出一臉無奈且快要講粗口趕我走的表情。囧。這幾天溫度開始下調，無論人抑或貓，它的出現真係fit哂！
• 鬆弛熊聖誕系列一隻。。友人千里迢迢從日本帶回來。。於是，我把此熊掛在房門。撐場。。
• 鬆弛熊果子糖。。其真我都有我多年沒有買過這鋁罐包裝的糖果。這一刻，好係《再見螢火蟲》。友人有無諗過，我會唔捨得開唔捨得食咖？
• 我的美麗日記mask體驗限定組一大盒。非常懶鬼啦我，早前見到發售時未及時入貨，以為整個聖誕新年都可以隨時買到。點鬼知呢個星期逛極街都唔見佢影蹤。後悔緊自己為乜mimimormor。哎呀，友人今年送來的禮物竟然是這個。。種失而復得的感覺真係難以形容。哈哈哈。
• 還有還有，D為我們女生製作的一張X'mas postcard，還貼有我模樣的郵票一枚。。正！真感動！我真係從未如此slim slim過！Yeah！

真係要打手仔！明明成晚都無粒飯到肚，整歪我不停講係飯局？

@ 泰豐樓：這一餐不過不失，由於我請客的干係，友人們不敢叫得太豪，鮑呀翅呀都無出過場。最貴的一道菜餚，算是片皮鴨吧。。這一夜，破戒吃了酒糟醉雞。。yummy！

酒家無開衡溫電器，又有食客開了窗，於是本身上桌時都不太熱的菜便更快涼了。一涼便覺得鹹。。

至於我買什麼給友人們。。汗。走了幾天也找不到合意的，要弄的也未弄成，於是暫且買了5包糖給他們甜一甜吧。

祝大家新年快樂！