一團毛

和朋友經過寵物用品店，見到店中有隻灰色的波絲貓在遊魂。由於牠的步調出奇地慢似點了穴，配合一身蓬鬆的造型，就好似風吹過，一大團糾纏在一起的灰塵在地上慢慢移動。忍不住嗌住『好得意好得意』駐足舉機拍照。怎麼可能有如此一隻溫吞吞的貓！然後，牠竟然以moon walk的步速由店內移行出店外。。發呆〔乘涼〕！連我把鏡頭貼近牠也沒反應！
難以想像，那幾個店員竟沒有理會牠的行動，反而走到架後邊。
嘩。。被人「老笠」點算呀仔？

拍了照，連忙趕羊仔咁拍拍貓屁股半推半哄『乖啦乖啦！有拐子佬呀，入番去玩啦！』移番呢團毛入店，才放心離開。後來，跟阿媽講起，原來呢團毛成日都自顧行出店曬太陽，店主及店員都慣咖喇，由得牠獃在店外。

真係咁都得！？

我話，夜晚喇，呢團毛縱使好大年紀，都唔可以任得牠離開店員的視線在門口呆。世途險惡，真係好易被壞人垂涎抱走咖。

呢團毛好搞笑，得閒去探訪佢先。