耳畔蕩漾著玫瑰花

用了多年的MP3機因為得512MB，連周大俠歷年所有他唱的歌也放唔哂，加上個按鈕也「神神地」。。在一大撮搵出來的藉口支持下，畀我一個機會買過一部新機。雖然藉口多多，可是作為一隻「姑寒桔」，iPod的款式新款又新款咁出搞到我郁郁都未郁到荷包。。呢件事就咁樣都拖拉了幾年，直至最近先扑槌。。唔買iPod。哈哈。
以GB計的MP4，確要好好善用。除了高高興興差不多成1GB咁load哂周大俠的歌及一批比較近幾年的新歌手如Fiona 、方大同、Juno外，還翻箱倒籠搵想聽的舊碟和好聽的舊歌。。
因為時間關係，先找回明哥的《光天化日》，鄭秀文的《生活語言》，王菲的《一人分飾兩角》，《天空》，《Di-Dar》，《朝九晚五Sound Track》，Eason的《陳奕迅》，陳小春的《抱一抱》，《精采完結篇》，《頭號男友》，伊健的《Life》，《The Best Show》，草蜢的《照常營業》，任賢齊的。。。雖然十幾廿隻碟搞了成個下晝搞到一頭煙，然我依然因為再可常常在隨身聽裡聽番我喜愛的歌而開心到震。
下回，繼續草蜢《音樂店》、《與你在一起》、《音樂昆蟲》、達明一派。。
得閒的話，還有杜得米、張信哲、張學友、蘇永康、吳大維、金城武、許志安、黎明、邰正宵、歐陽德勛等等的歌。很多歌手的大碟因為唔係成隻碟的歌都好聽，所以要花點時間揀。
至於張國榮和Beyond的碟，唔知係咪之前收埋得太好過頭，搵唔到。。
一，一“
《左右手》、《路過蜻蜓》、《默默向上游》。。
《喜歡你》。。《情人》。。《大地》。。《早班火車》。。
回味舊歌，相比現在的所謂流行曲。。還是舊的好好好好好聽。



怎能少了張震嶽的《愛我別走》。。呵呵。。