發花癲

星爺話齋，時間真係唔等人。。於是，08年才一月，我：

報了5個課程…讀咩，詳情就暫且不說，因為曾有朋友聽到之後勁笑了一大餐。不是怕被笑，而朋友笑的也不是貶意，而是估我唔到咋。嗯，我想完成了每一個課程先說。話哂，我都係一個唔定性兼無耐性的人，而且未試過唔知真係應付不應付到。突然搞到咁趕時間係我唔想再拖之後又後悔。希望我搞得掂！

※

朋友想擁有一隻B女多年，但因為一買就會不能自拔地替個女添衣拍照，甚至繼續無底深潭地買不同款的B女，所以一直以來得個望字。於是，趁朋友生日，我買了一大一細兩件B畀佢。現在，佢有細B三個及大B一個。。兩細一大其實都係我買畀佢〔佢講我知〕。。雖然朋友見到大B真係好開心，不過。。我此舉絕對有推人落深潭之嫌。哈哈哈。

朋友的角度係，好貴喎，好破費喎。可是，明知朋友恨有這個公仔點解唔買畀佢令佢開心喎。反正嘛，花了錢買件朋友拆開感到沒趣的禮物咪重浪費時間和心機。

不過，送禮這回事失手上來真係好HURT咖。試過送份禮物畀個朋友，佢拎上手睇了一陣，就沒什麼表情把它放在飯檯上。。最大件事係，朋友平常咩都唔好，所以我們竟然無人清楚這位朋友會喜歡什麼，或會收到什麼才會笑逐顏開。於是，次次送禮都是碰壁。。嘿嘿。。

最難忘一次，就是幾年前和某朋友逛街，言談間對方搵緊一隻名牌潤膚霜，走了多間莎莎都找不著。後來，一次偶然終於被我在友人的生日前搵到，變成生日禮物送上。朋友拆開包裝見到即刻開心到攬住我讚我勁呀！哈哈哈。

收到B女的友人反問我想要什麼生日禮物。。我想想，其實想要的自己都盡量滿足自己。

JAY生日當天意外地買到JAY的第一隻大碟，一早絕了版呀！買到的更是100%新未拆包裝咖。開心到我丫。〔雖然家中其實已有一隻〕

後來，有位好心人幫我搵緊同一隻碟的日本版。。又係絕哂版啦。希望佢搵到。

不要問我這兩隻唱碟共花了多少錢。。有限錢啦！嘿嘿！

PIC @ 台北陽明山