元旦日。

2008年的元旦日，第一件工作係半夜兩點起床替屎屎蛋擦屁股執屎清潔便盆。。

下午跟友人一起遊南生圍。真係無白雲一片藍的勁好天。從南生圍向右望，連雞公山，大小刀刃同大帽山都睇得好清楚！



不知何故，肥蛋腹瀉了三天〔真係變左屎屎蛋〕，奇就奇在只是腹瀉，精神卻沒有萎靡，貪吃的急性子也沒有減下來，依然在家中跳跳跑跑。。早上還跳上檯面伸哂頸搶食我的叮叮黑椒牛肉丸〔佢真係為食到伸哂舌頭狂舐粒香噴噴黑椒味的牛肉丸。。好彩佢無吞粒丸落肚。。不過元旦朝舐了黑椒肉丸後佢的確沒有再腹瀉。。奇！〕，除夕打算抱佢去睇醫生，不過診所full哂。。好在元旦日有位，於是在約好的晚上時間帶佢去見醫生，CHECK清楚。
醫生認為牠問題不大，開了幾天止瀉藥及一個療程的藥給牠。
不過，醫生檢查佢時發覺佢耳仔發炎，要開消炎藥水滴一個星期。。原來我們一直都滴錯位置。。
既然見得醫生，自然要求同佢打埋防疫針。。之前我都諗住肥蛋都八歲，好應該開始做體檢，驗血呀打防疫針咁。不過阿媽話肥蛋佢走得睡得玩得，不搞咁多事啦而拖延著。。
診所的姑娘跟我說，如果貓仔的作息生活如常沒有突變，都不用刻意驗血。。好啊。。最緊要知道佢健康。
經醫生講，不出街又單養的貓，實際上三個月先食一次杜蟲藥和虱藥都可以了。。嘩。。我一直個個月餵佢食呢兩種藥。。阿仔呢幾年無辜辜食多左好多藥耶。。
BY THE WAY，確認了肥蛋還是好健康，經已好開心喇。
只是，18磅的大肥蛋也夠搞笑，醫生叮囑要跟牠減磅。。
醫生也一樣很搞笑，不但話肥蛋又白又肥，還有跟他一樣有對漂亮的藍眼睛，不過肥蛋的再靚些喎。。
哈哈。。