圈裡的騎呢怪

早前某導演譏無記高層蜜生為騎呢怪。。在這個騎呢怪界充斥的圈子裡，那位蜜生行動行為都唔算係嚴重騎呢丫。。
〔關於他是蜜糖呢單新聞，當日我都有聽那電台節目，意思當然被後來傳媒描得誇了。〕

嚴選圈內騎呢怪…排名不分先後：

袁彌明：擺出清高態度討厭「在娛樂圈生存的遊戲規則」，還刻意處處撰文挑釁批評娛圈的人和事，咩都睇唔順眼寫文剷爆，此舉無非咪又係想引起別人注意，提高知明度博出位囉。看她出席一些公眾場合所賣弄的姿態，跟其他低胸露背渴望上位上C1的女星不無兩樣。
樣子和性格都不討好，很難有觀眾緣囉。

王賢誌：搞咁多野，心裡最終咪都係想做無記的台慶司儀。吃不到的葡萄再酸都想食。大長今搞咁多野無非都係要做尚宮，儘管只得一天。

李力持：在媒體在課堂裡口若懸河講以往的風光，跟某某明星合作過的往事。。人卻不知幾多年無進步過。回憶變成進步的絆腳石，這些綺麗過去，還堪提嗎？

吳文忻：整容是為了有多些人搵佢拍戲拍劇。。「整容」幾時等同「好戲」？整了容人就有自然有「戲質」？

其實，連在無記不歡而散過擋去亞記以為自己好掂的劉綽琪我都覺得好騎呢。。

無記係騎呢台咩？亞記都不遑多讓。變了台徽的亞記，一樣充斥著比無記更爛更老土的舊式節目。張達明的節目唔好笑卻硬加插笑聲。似鏗鏘集的節目無啦啦搵配音部的員工替被訪者作「不傳神配音」。。那些節目，外援居多，沒有外援，又會怎樣？

問你地死未。

大手拉攏一班紅星過檔無用咖，寫出好劇本拍得出好劇集的幕後才是最重要。否則，拋咁多錢作餌吸引明星埋堆只會視為WASTE MONEY的紈絝行為。