摘這星摘那星

這兩晚，我都出發到宇宙星宿間穿梭飛航。。嘩！真的很爽！

事源，細佬早兩天購了一盒「大人の科學」這個星圖回來砌。。

完成後，他興奮地熄哂家中所有的透光或照明的電器，在伸手不見五指的斗室中，要一家大小陪佢跌入浩瀚的宇宙裡。跌進興奮的迷幻中。。豈止人目眩！明明在沙發上做緊春秋大夢的大王，都被我們「嘩」叫吵醒。。〔當然，是我們故意嘈醒佢。。哈！〕

然後，我們見到一團黑影從沙發上跳上大檯，團團轉一番，再跳上櫃頂，繼續引頸觀看突然一天一地的白點。。不知道牠小小的腦袋在想著什麼呢？

大王比我們還要興奮。。我媽說。

喂！冷靜些吧！抓不到的啊！我哈哈笑著跟大王說。。

誰聽呢？牠四隻腳仔仍不停左跳右跳，摘不住地上那堆，就跳到另一個位置再努力過。。細佬見牠這麼雀躍，於是拿著那台成品左放右放，令到貓兒更癲更喪跟著跑。。哈哈哈。。細佬還煞有介事跟牠說：『你跟我都識貨呀！最識欣賞的係你喇！』

散場後，肥仔大王仍意猶未盡，邊嗌邊跑遍每一間房每一個佢知道的窿窿罅罅搵星星。。於是乎，這兩晚，在櫃面桌面不少物事被佢衝撞橫掃，跌到一地都係。。而且，搵唔到，佢又唔多心息，不停亂叫。。

不過，佢開心的話，晚晚上上宇宙hea一下也沒壞啊！反正，置身其中，真係好鬼爽咖！


參考連結：大人の科學