Express Bar by Lassana
食個剛出爐的磨菇長通粉，飲個西蘭花湯先。
暖笠笠，正。
23.1.19
加德滿都
呢張相沒有整色整水，地是爛，樹既敷了厚厚塵土，也無盎然綠氣。左邊的廟也是封哂塵，人其實也是，只係著了較鮮色的外衣，在比對下很顯得突出。這季節是滿天滿地的灰塵，不敢想像雨季會是怎樣的光景。
早前上道場，師父問我尼泊爾如何。我說那邊真係「好窮」。師父話，再窮的地方也有。
如圖中這樣的情況，我實在不知道當地住民「較有錢」的會不會出資修葺一下。如果沒有比較之心，隨遇而安，這也太怪吧。你家門口若出現一個窟窿，你寧日日望一下，再繞道而走而不去修補打掃？定是會扚起心肝自己親手或搵人填返好條路？而現實係，我在這十幾天，在尼泊爾，真係一而再再而三咁見到他們由得那些破敗存在。
我詞窮，只能用「窮」去理解呢件事。
旅行，應該用眼用心去感受當地。我開始不懂，一個被視為「旅遊地」的地方，若呈現或自動發掘太真實的一面，是好事定壞事？
我不懂。
22.1.19
自助圖書站
這天去尖咀做身體檢查，人未夠八點已到了尖沙咀，於是周圍蕩下啦。
在文化中心外，見到這一台大機器。原來係自助借書機。唔知呢個遊客多過本地人，咁騎呢的位置，吸唔吸引到本地人借下書睇咁。
我見到岩合光昭的貓書。不過做體檢在診所行來行去，都係唔好拎咁多額外野增加負擔喇。
有機會定再遇上啦。
21.1.19
在酒店的早餐
酒店的第二回早餐，依然要了個西式的。同樣要RN500。
由於薄餅餡都未煎熟，仲係稠稠的粉漿，嘩。好驚水土不服的我當然放棄啦。
呢頓貴又唔得。
於是再沒有再幫襯酒店的廚房了。
下圖係第一回。有些食物在第回消失了。
Himalayan Arabica Beans Coffee @ Thamel
元旦去搵間正點點的餐廳食個早餐先。於是，出了酒店向左走向右轉，來到 Thamel 一端較靜的區域。
當然，帶埋我的熱水杯裝壺熱水。
咖啡店有兩邊店，我坐在另一邊，得我一個，不過有日光陪伴。美極。
Americano 。不是過份鍾情，只係我腸胃對奶敏感，出門在外，加上衛生問題，都係小心的進食好。
無得任性。
三文治配脆脆。。真係咩玩法？不過，係好味啦。
2019。Welcome。多多指教。
20.1.19
Cheesecake Factory
回香港的第一個星期六，睇完醫生就出發去尖咀趕及小克畫展完結前睇到。睇畫前先醫肚，去了想去好耐的芝士餅工場。
當然不止吃了芝士餅啦，但因為場內燈光問題，拍照時食物有「中哂輻射」的感覺，有時間執一執D相上傳上來。
估唔到呢間店每樣食物的份量咁大。我旁邊件鬼婆見到佢碟食物時 「Oh my GOD！」叫了出來。結果，佢真係食唔哂。
哈哈。
我唔會講你知我芝士餅之前真係食得哂一碟意粉啦。
在Thamel一直在認路
在 Kathmandu 我是投宿在 Thamel 邊緣地方，無論點都好，去到一個陌生國度，陌生城市，真係要認路。
雖然我電話用當地 SIM CARD 可長開 google map，不過，開住 Map 走路都唔係好盞鬼咋，曾幾乎拗柴。幸好無恙。可是都嚇個半死喇。
下圖的樹在上圖的灰點度。右邊線框住係 Thamel 區。因為每次出入酒店都會經過這個迴轉處，六個方向呀，於是，大樹就成了認路來回酒店的指標。
呢度係 Thamel 區某處。車水馬龍。
站在樹下拍拍照。
人車爭緊路的情況下，我站在一處施施然用手機拍照，絕對係異類。
19.1.19
長途旅巴
從 Pokhara to Kathmandu，我選擇坐逾七小時車程的長途巴士。一來係想慳返一張機票費，二來，坐巴士沿路會睇到更多民情。巴士票是那邊的 agency 代我買。那邊有數間專做遊客的長途巴，佢揀了這間公司的巴士畀我。出發前一晚才知坐什麼公司的車，時間和座位，幾點點從酒店出發。
單據係 agency 拍照傳畀我作上車登記。收據上寫有時間07:30。不過車最後係 08:00 後開動。再上去官網睇，這款巴士，應是 07:30 開始登車時間，08:00 才是發車時間。07:30 係30座位，08:00 係22座位。Rs1000？包早餐同埋午餐。網上寫。07:30那班車就沒有午餐。
而事實係，位 agency 無講過我知呢程車係包午餐囉。
囧。
我六點幾就到長途車車站了。完全像入了地盤一樣咁，是一片凹凸不平的爛地。
不過，背後是一列喜瑪拉雅山哩！日出時分，發著光，好靚。
都是些在等開車的人。
我太多幻想喇，長年在公路行駛早已飽歷風霜的車子，怎會新淨？裡面其實都好陳舊又多塵垢，不過總比屈當地巴士好。係，這是專給遊客坐的車。點都好啦，坐車唔好亂挨落D窗簾布，亦唔好挨窗邊。雖然連座位都幾多漬和陳舊。
上車前替車子拍個照〔車牌是必須〕，免得中途落車後認錯車上錯車啦。
把行李塞到車尾廂，就可以上車搵返個位。
車上派的早餐，還有一瓶水。我只吃了件蛋糕仔，水我自己有帶，所以無郁過。
Lunch 的地方是間 resort。一話可以落車我就狗衝了入廁所，駕車那個又無話包lunch，而我講過我個 agency 根本無提過包午餐嘛。去完廁所出來見到有人在 canteen 食緊飯，但又唔係車上所有人都有去食喎，所以當時無去深究呢件事。
官方網頁都係之後睇返至知詳情。真係囧。。
出門在外，行程的每一樣安排，都係靠自己搞好D囉。
官方網頁：
Travel Nepal Bus Service
18.1.19
French Bakery Kathmandu
呢間店在酒店旁邊，日日必定路過，加上食物質和味道都有水準，於是我幫襯又幫襯啦。
呢次係漢堡。
Americano 。每一個人都不一樣，每一間店的美式都賀不同。
呢個漢堡好美味啦。連個包都好好味，好感動啊。
這個精彩，薯仔好入味。正正正。
17.1.19
16.1.19
Himalayas Café
搵地方食早餐，在 Thamel 行遠少少搵食啦。最後來了呢間，咁，點之，伏了。
露台景是必需。
糾纏不清的電線和印度廟。
似乎係唯一之選的 Americano。
呢個早餐。件薯餅狀之物未拌勻鹽粒，加上過多，鹹到反艇。條膠仔似被抽乾水份，麵包都好隔幾個夜咁。
經驗。
訂閱：
文章 (Atom)
