手帳。0723。胡言亂語的自我

這晚，入屋就見到廁門上伏了隻小飛蟲，同老人家講，佢望完話唔好整死隻蟲，要搵樣「東西」笠好放生……邊睇住電視邊講無容器（明明佢收藏了好多茶樓小膠袋）。後來佢徒手用掌罩住，入了廁所打算在窗口處放生，但隻飛蟲旋即逐光飛回室內，在廳中飛又翔了一圈就入了佢房，而佢還以為使命必達已開水龍頭洗手。同佢講隻蟲又飛返入廳，入了佢房，佢話要睇埋電視先，之後才找。

後來，隻蟲又飛出，在廚房門附近停，因位置較高，要捉就要企櫈，我既不想老人搵櫈，又唔想隻蟲亂飛，我連房門也不敢開。咁，唯有話由我處理。咁，老人就入廁所。

唔好意思，真的要「人道」，老人去完廁所出來知道已經處理完畢，知道小飛蟲已「人道」，就講了幾句『善哉』……我聽完除了反眼也忍口無更正佢。一個睇劇以為出家人唸「善哉」係慈悲為懷，而沒有思考過「善哉」這二字根本不是任何場口也派用場合適可用，一個扮慈悲的口臉，我還可以怎樣懟呢？又扮不忍殺，殺了又帶惋惜卻口講善哉……這種胡言亂語下的自我感覺良好，真的無言。

😑

記一下這日抄下的幾本古籍，期望自己騰出時間刨刨。

一是《五德終始說》，戰國陰陽家鄒衍提出的歷史循環（我覺得係閉環螺旋進行）。而我好奇係，若帝制沒有完，這循環是否會依然滾著？帝制係名義上還是實質上呢？為何歷朝都跳不出這生剋制化的網？

二是《呂氏春秋》特別係《有始覧 應同》。看整個《呂氏春秋》字數，實得 20 萬左右字。其實真的可以，有心又有意的話。

三是《七略》。是西元前，漢朝產物，已佚失很多。總覺得西安乾陵裡有全。網上找到的是清代學者搜集的殘碎。

四是《史記》。全文 52.6 萬字，啊～

以上，係因為看蛇從革的作品，講及「五德推演」，搜多少少資料就搜了這堆。

可記在這裡方便自己日後易搜尋。

同日，看了一篇文章講解為何現在因果報應來得既急且猛。文中講，以前人類未發明機械，即使吃肉都是有限把屠宰（而看過歷史書更清楚，窮人太多，有米糧裹腹已很好，根本好多戶一年都未能吃到幾頓有肉的餐。），現在，靠科技去畜牧，機器發展到人類早已依賴而大量沒必要的屠宰，還有大面積的伐木毀木……

加速。就是加速。