海

呢張相唔記得有無放過，不過好喜歡。如有，即係再望多次海啦。

佳記

屋企樓下有佳記，如果我當日只去圖書館消磨，通常會去佳記食個晏就直接行去圖書館。

呢日也是。

HEME 矽膠粉撲

在花妝店見到這個矽膠粉撲，雖然之前用過另一隻感覺唔係幾好，不過見呢輪皮膚好了點於是又心思思想再試。哈哈。呢隻粉撲可愛到暈。

好易推，第一回試落粉底液重手了要抹咁D。第二次很好很貼，不過我皮乾油多，長時間在室內D粉唔夠厚加乾紋令到太真面目。在戶外長時間卻沒有這問題。所以都係先在周末日用好喇。待把技巧掌握好至用密D。

官方網頁：HEME

夏天的涼粉

人在元朗買菜，大熱天真係要去甜品店咬碗涼粉先消下暑。

Reviva Labs - Serum

之前買呢隻牌子的面膜覺得好正，於是當我要補給精草液時第一時間想起買這牌子。於是，揀了這瓶 Stem Cell Serum ，真係誇張。哈哈哈。

官方網頁： Reviva Labs

Fast Taste

啡菇漢堡餐，加一份圈圈，其實夾埋都係平過茶記單嗌一碟粉麵飯啦。

HandyCosy Travel Pillow

在網上見到呢個攜帶方便的頸枕，合哂常常要坐超過一小時車程又會瞓到捩哂頸的我。捩哂頸的情況，嚴重到D粉底留哂在衫的膊頭位領位。搞到我好似好污糟咁，陰公。

有D錢唔慳得，為了頸椎著想買啦買啦。

官網： HandyCosy

飛龍咖啡

一條街有好多正店，真係合哂連行多步都怕會在街熱死的我。

呢日，出緊汗，見飛龍有位，即入。

太熱，落唔到熱啡，於是點了這杯 iced latte。

有蛋糕喎！於是點了個濃朱古力。好味道哩。

店長好好客，不過我還要趕住收檔前去菜檔買菜，想坐耐D都唔得。

下次，下次可以。

長春社講座：瓷相

呢日又去聽講坐，地點係西區裁判法院裡的多用途活動室。嘩正。老建築啊。

係，我又係聽關於瓷相的歷史。真係唔知點解我對瓷相係有種「結」，有班有時間又報到名就上上上啦。

以下係少量講座裡的資料，基於是講者努力多年搜集的資料，在這裡就不便分享人家的成果當自己料喇。總之，這次的講座所聽到的資訊史料確實補充回我對瓷相〔特別係墓碑上〕一直的疑竇。

我相信這個講座會再開的，因為聽眾真的很多。期待下一次的講座再聽新的資料。

真是一個充實的下午。謝謝。

黑椒雞扒

唔記得間茶記個名，在寶靈街附近，大間的。呢個黑椒雞扒真係整得唔差咖。正。

可愛的胡士托。

Woodstock 實在太可愛喇，所以買了。

慢煮工業

太熱，上左太子間慢煮工業食個 tea 消暑。個價和食物質素，計落係抵過茶記。真係要多多上來食。

呢個炸物拼盤，五十幾。有蝦有角有圈，真係大大份咖，真係好黐線。哈哈。

合益車仔麵

要去書舍找書，於是人在白楊街梗係去咬我喜歡的車仔麵啦。叫了個大雜再加兩樣料，大滿足呀。

不過，食緊麵時我又犯了錯誤，又用個口去吸氣，結果一小點咖哩去了氣管那邊，咳到我半死。

可能咳得大力傷了喉嚨。翌日喉嚨繼續唔妥，之後乘機發炎起來了。

NIOXIN CLEANSER

不是抬洗頭水就是抬諼頭皮素，且係成 lite 咁買。我都算用得好密。呵呵。

Nioxin 又轉了新包裝了。

SHISEIDO 眉筆

廿幾元支，灰色，買來試下啦。

GOLDWELL LAGOOM JAM

長髮為了遮掩面上暴露我感受，但我其實唔係好喜歡遮住額頭，所以去到髮品店買洗頭水就順便買野 gel 頭。呢隻係店員推介。好用啦。而且更有驚喜位。

一擰開蓋就見到好靚的泡泡，於是趁黑拍照。光源是電筒。哈哈。

好似外太空咁。

也像有生命的細胞一樣。好可愛耶。

Physicians Formula 粉底

在 iHerb 訂了這隻為敏感肌而創且價格相宜的粉底來試。雖然唔算 cover 得好好〔無計，我多暗瘡印嘛〕，我都覺得呢隻堅好用。而且，HK$120有找仲有埋支濕粉掃，在我的角度來講，呢隻牌子真係超高CP值，真驚喜。會再買啦。

官方網頁： Physicians Formula 

瓷磚店的貓

看守緊架車。心無旁騖，影佢都無反應。

情味館

那幾天心情不好的日子，加上天氣熱，披頭散髮加崩潰過後人像鬼一樣，自己照鏡也討厭。所以要去髮型屋剪咁D煩惱絲。同街，先去醫個肚先。不想走太遠，不想見到太多人。

應該改變。於是，點了我從來唔會嗌怕屍體肢解也怕食得麻煩的春雞。

我覺得我的樣子真的不好惹。

面油紙

面油紙快用哂，急忙去店補貨。

售貨員小姐見我籃裡有兩款面油紙，就話我油多乾肌底，所以盡量避免用含膠質的面油紙，會有反效果。咁，我在籃裡其中一款已可以拜拜完放返上架喇。

我啦，應該用紙質的面油紙。

留在籃裡的 Eleanor 外，我問店員還有哪個都是紙質，於是介紹呢隻由木漿製的 Haruhada 泉肌吸油紙。

試試看。

官方網頁：

Eleanor 

3M 雙線牙線棒

一年一度的洗牙，照埋X-RAY，醫生發現臼齒旁近牙肉度有小片陰影，於是一星期後又要去多次診所補牙。呀！！！

好在，左右兩邊都照哂片都見唔到牙肉內有智慧齒隱藏。正如醫生之前講，我牙細又無智慧齒，D牙咪鬆到好多罅囉。箍牙補罅都幫唔到。亦因為咁，我係極度需要在每餐之後用牙線幫助清理牙縫的渣滓。

在未買電動水牙線機前，要買牙線棒，事關我的櫻桃小嘴用普通牙線拉臼齒補牙位，盡量張大口為了攝條牙線入罅搞到次次牙關都酸哂。

估不到，3M 出了這個，即買。

長遠來計，都係買水牙線在家用，呢個，留在公司或出街時才用啦。始終用完即棄，感覺在加深地球的負擔。

呢個好用。雙線果然唔同D。呵呵。

Wild Unknown Animal Spirit Desk

好榮幸得C的邀請，我又識了班研究不同東西的新朋友。多汗顏哩，畢竟我沒有什麼專長，即使在谷度，他們一講靈數和占星，我已經搭唔到嘴了。哈哈。而且，當中還有不少神秘學，道學等等不同範疇的高手。哈哈，我總是做塘邊鶴。

感謝C覺得我可以「夠」入谷啦。呵呵。

這晚出來聚會有七個人到，吃過晚餐後，E掏出一套 Wild Unknown Animal Spirit Desk 牌畀我們 draw 。我抽到的是這一張 Vulture 。就在大家傳閱小書看各自抽到的身動物牌意思時，我也上網找找看。噢，是天意又是業力敲著我！為何我要處理我最不想處理的事？哎呀！

「由心地不當一回事」可能就是我對家族問題最好的回應。

有些事，不是我成熟就能順利解決。

人生。

延伸：

Thanks Unlocking Words to share the meaning of this card. 

Wild Unknown Animal Spirit Desk : Vulture 

椰汁燉雪耳

落過椰汁的甜品真係好好味。

杏香園

點了一碗蛋白椰汁杏仁茶。

羽衣甘藍芝士餅！好味。

街太熱喇，入去畀個 body 降下溫。哈哈。

WAIWAI泰蟹米

呢隻泰國米粉堅好味，而且價錢又抵，所以我都會買來放公司以備不時之需。

呢日個湯底我多手倒埋D炸豬皮落去。黐線！哈哈哈。

十幾元的麻醬雞冷麵

湯水店下午茶餐竟然有十幾元一兜的木耳雞肉冷麵配麻醬，而且大碗過七仔碗撈麵哩！好正。

蒟蒻海綿

用佢洗臉真係好滑。不過放在冰格的成鬼日都唔記得拎去用。哈哈哈。

官網： https://e-makanai.com/

Madame Dry Water

經澳洲代購幫手，入了四瓶水。

靚到唔捨得飲。哈哈哈。

Rose Water 係粉晶。

Lavender Water 係紫晶。

訂過來唔貴，比去咖啡店嘆杯咖啡師的手沖還要平啦。

官方網頁： https://madamedry.com/

上堂又中伏

事緣在網上見到一個有趣的課，於是報名啦。去到上緊堂至知係伏，可是中途又走唔到〔幾個人上堂，若果起身走會令其他人好尷尬〕。大抵是我身心都在抗衡，結果，之後頭赤赤痛像裂開一樣痛了兩日。

跟朋友分享，佢問對上一回頭痛係幾時。「好耐年前了。」回想，是早兩年耳鳴那時。

幸好我無叫朋友一齊上咋，否則真係嬲左我就大件事。

伏到一個點。

這個堂詳細上緊咩 for 咩在這裡就不說喇。因為呢個 workshop 仲定時辦緊呢個班。而且，或者只係我才出現抗禦反應，當日有同學上堂真係表現得好熱烈好投入。

以此為記，唔好再亂上出面D堂。