13.9.18
青草店
出龍山寺往左邊走，有很多青草店，賣各式山草藥：新鮮的，已處理曬乾的都有，總之琳琅滿目。如果我是中醫師〔或女巫或植物學人農產品作業者〕的話，真係會好興奮。因為香港有這樣的店都唔會有咁多款！
大大棵蘆薈，做面膜正。可惜，帶唔到返香港。
店家還有草藥汁/茶賣…因為我怕唔慣味道會太暢腸胃，所以唔敢一早試〔上午〕。有沒有人飲過講我知蒲公英汁是什麼味道呢？
Anyway，我連其主治什麼都不知道。唉。
說實在，我應該喝清下肝火又唔寒涼的茶。哈哈。
12.9.18
11.9.18
KOO 三角三圓
去中山站走走，沿南京西路向雙連站方向逛，琳琅滿目的特色小店，很喜歡這裡。可是，卻在第四夜才發現。真係好的留在最後？
見到這間有梳乎厘，正，要試。
好似係這旅程唯一飲的咖啡。
個抹茶好鬆軟好棉好好味。
推介。
10.9.18
感謝天公造美
上星期去了台北一趟。因為整個夏天香港一直在下雨，上機前一直祈求給我一個好天，至少唔好冒住雨等車，我絕對唔想濕住雨遮、身和鞋上機，平白醃幾個鐘。
雨哩，是等登機前已在下，不過登機那刻都係毛毛雨，所以沒有開遮也不用披地勤提供的雨褸。順利。
後來，就如圖中這樣了。
我不是常坐飛機的人，所以，窗口位是必需。太愛看美麗的地球了。
感謝天公。在台北五天都是放晴的日子。據講前後日子都在炸雨。
是個幸運之旅。
感謝。
7.9.18
6.9.18
5.9.18
泰濃麵
樂道開了間泰菜店，見有位，試下啦。選擇唔多，主打係船麵和冬陰功麵。喜歡冬陰功的當然要試冬陰功啦。
湯唔多，真係僅僅夠食到碗麵。如果吃得慢，真係會被麵吸哂湯汁。
都好味，但未至於會令我念念不忘咁啦。
4.9.18
3.9.18
2.9.18
Pom's Kitchen n Deli
和朋友飯聚，地點我揀，去一間唔趕你埋單大家又坐得舒服的店，這間是很好的選擇。
看到鄰桌的龍蝦好正，於是我也點一個啦。
賣相美美的意大利燉飯。
無呃你，個龍蝦餐真係好正。重好多膏添呀！
龍蝦肉意粉。都好得。是會勾起食慾的賣相。
得我揀的set有甜品，所以要了朱古力蛋糕。這店我的至愛！
問朋友今年聖誕期的旅行大計，打算好不好放個大假黐住佢地飛。
『去南面…』車厘子笑說。我年初曾叫他們今年不宜北行嘛。
「南澳洲？」因為之前好似是前年他們才去過南美，天空之鏡的相片仍震撼緊我。所以剔除南美這個地區。
『今次去南極。』朋友說辦好哂機票了。
「嘩！好癲。」被朋友收了皮添，哈哈哈。
期待下回出來睇靚相。
Rose Quartz Sphere
雖然我本身有粒粉晶球，可是見到老闆有箱新貨而我床角青龍位又突然有位可放，於是就入了這個2.15kg 重，有成11.4cm大的星光粉晶。嘩哈哈哈。好癲呀。
因為我拍不到，所以偷返老闆原圖分享。哈哈哈。
1.9.18
廿一由八
早前曾妹生日，於是又約佢出來吃一頓。記得在S的網誌見過這間店〔有日再望搵唔返篇文，奇〕，加上位置近咱們的公司，所以就訂呢間啦。
一層全包，一邊是木工場做傢具，另一邊是木製品的陳列店、Office、Pantry 和 Kitchen 。
坐窗台位，而且午膳時間剛好有陽光，令本來很美的食物在日光加持下就更出色喇。
店的大廚係法國藍帶廚師，質素保證。
好搞笑，Fetta Cheese 在這裡譯作發達芝士，發錢寒的人在餐牌上睇到，會好多FF吧。哈哈。
午市選擇唔多，都好，保持食品質素首要係唔好囤積太多種類的易變壞食材。
看！以午市來講真係好大碟仲好豐富。當然仲好靚啦。真係越睇越肚餓。
好滿足呀。驚陌生人的店長的也很美。下次再來。
官方網頁：廿一由八
訂閱：
文章 (Atom)
