手帳。0202。debunk

這早在茶記咬緊早餐時，後邊雅座來了三位古來稀。應該平日聯誼只去茶樓，所以聽到三人揀早餐時有些無措。之後落單，有問樓面「仿鮑片」是什麼。樓面就話不是鮑魚切片，但仿製的。三位再問，樓面答係齋來啦…

……咁，古來稀就嗌通粉餐走火腿……

之後，聽到他們講，下次可以和法師來吃……

！！！！

……我突然又跌入人生交叉點！

仿鮑片有兩種，一種係以墨魚魷魚類製，味道帶鹹，跟鮑魚味道相似，葷食。另一種係素鮑魚，但這齋食價格較高，對於茶餐廳的營運及利潤就不是個好選擇。所以除非標示係供應齋鮑片，否則，入茶記吃到的都是墨魚魷魚肉製的加工食品。

我糾結係，若我搭腔出聲提醒，三個古來稀會即時「抓」誤導的樓面追究嗎？若這茶記就係供應素鮑魚，咁我的多事就害了樓面被鬧。而且，有多少人真心知道仿鮑魚是什麼樣的加工食品？

雖然聽到三人話有機會和法師來吃，但無法估量這三個似乎吃素的阿婆即時會有什麼極端反應禍及樓面，我，都係算喇。

不知者不罪。

跟法師，還是去返素食店好啦！不要周圍食嘞。

以前去過一間素食店，開在佛教道場同層。日常供應的食物走五辛。就因為茄汁成份有五辛食物，所以店子連茄汁都係自家店溝配。

至於出面食肆，想想店家會否特別添置多一套廚具去煮素食？不是檯面無葷就真的是全素。

🙇🙏