排寒

因像按了啟動掣而 non-stop 的流鼻水，以及出入冷氣和侷翳的地方反覆打噴嚏，戴上口罩呼出熱氣都覺得自己內熱滿嚴重但又不到發燒程度，吃了西藥止不住鼻水和噴嚏，就去買成藥，也去了印度餐廳買杯 Masala Chia 劈，扶一扶自己。

嗯，推返前個記憶時鐘，應該自己受邪風一段時間未發，身體積弱，之後去拜山時在那裡的辦公室「凍親」（好記得職員輸入資料再打印單據，我係凍到感應太強烈，直頭想行出辦公室外等），下午又回工作室涼過冷氣，晚上就已經開始鼻水長流又打噴嚏。

後來，原本上網睇止噴嚏和鼻水的偏方，才知，中醫方面已講過，肺有寒氣，打噴嚏和流鼻水係身體自動在「排寒」，排完寒就會停。咦咦咦…竟然係自體修正而非病發，中西醫學雖然係兩回事，但這個也真令我無言。我擤到鼻也甩皮！

既然吃西藥係壓住寒氣令滯留在身體裡（非藥力令菌消失）。遂，我又停了吃收鼻水止敏感的藥，留意住自己狀況再決定下一步。

差不多一個星期才收鼻水和噴嚏。完了之後，人也精神好多。

嗯，看來我真要刨刨醫書（書櫃就有，網上都有），了解一下人體之奧妙。

👀