Olivary Olio: 記。0130。青山無處不道場

1.3.25

記。0130。青山無處不道場

Victory over fear is the first spiritual duty of man.

by Nikolai Berdyaev

繼上年十一月因為地拖事件怨懟後，對屋企老人的奇行就啓動隻眼開隻眼閉模式。為的都係想自己好過。

這個家，原生父母，一直是道場。之前聽朋友講，先不論父母是否稱職正常，用耐心和孝順的心去照顧老去的父母，是來報恩的。而抱不情不願但又割捨不到，就是還債。

⛓

雖然明白因果不是講一世的事，但……咳咳，我都不想深入這話題。

總之，花粉的難題，這晚我順利兼和平地解決。無人炸毛。

屋企無神檯，老豆就當阿媽生前食飯坐的位置當作「位」，檯面常放生果，茶，小糕點，也買花束把花樽放在檯上。這晚我對佢講的是留意花粉問題，佢就話擺花擺過正月就不會放。我話，無所謂，但要避免買太多花粉的花放餐檯面。因為檯面還有其他物件，也有食物，混了花粉吃了摸到都可能引致不適或過敏。風鈴花，火百合就盡量不要買，買了也先拍走花粉才放枱上。因為我平心靜氣咁講，佢接受，之後都係小蒼蘭呀菊花呀咁。

這是他懷念和抒發的方式，不必阻止。我當然沒說這個。