吃相不要太難看

雖然屋企有工具有線，但既然路過墟巿賣晶石玉器的檔子，就拜託店家幫我換條線。

睇返記錄，這條次石墨是21年入的。不過一直掛在工作室，都無乜點戴過。係近排想戴所以就帶住它出出入入。

是說，店方要跟客人打開話匣子，展開話題係正常走向，但方向一走錯就真係好核突。連環錯的話，已是 Alder's razor 的狀態了。

我只係一個剛巧路過又剛巧幫襯的人，轉個頭連彼此的樣子也忘得七七八八，實在不必借機對我分享和旁邊檔口老闆的牙齒印緣由，無故把我扯進去確已令我不快。然後，又介紹店子的天珠，但卻說有客人戴天珠出埠天珠在鬧鬼的酒店爆開的靈異事件。咁，其實佢係暗示佢賣的天珠是假的嗎？還是誤會以為天珠用來僻邪？我話現今巿面好難有老天珠，假的更多，即是有，之前戴的人把什麼能量注入去又是一個問題。佢強調賣的是有喇嘛祝過無人戴過的真天珠，還指住飾櫃中一粒話係老天珠。呢層……我唔駁啦。

串好了石，好心咁對我講串石話有崩有裂，見我有戴隕石，就用隕石為題推坑。講石頭無相干，但話我串石有裂痕就真的令我額角的幾條直線伸延到頸。佢應該唔知我串石是什麼，亦唔想見拙，所以無嘗試講我串石的名字，只係話串石乜乜串石物物。Actually ，佢連我戴住的是 Pallasite Meteorite 都講唔出，只係話件我吊飾銀光部份是「天鐵」……

臨走前被塞了張卡片，話有飾物鑲嵌服務。

開開心心袋好。

❤

懶的教訓。下次都係自己換線，免得被人注了不好的能量入去。