Olivary Olio: 匯澄配 Karl Plus +

16.4.20

匯澄配 Karl Plus +

之前在書店買了一款防藍光眼鏡，主要係副框我勁喜歡啦。不過，由於膠鏡片偏黃，所以每次要「執相」都不可以戴眼鏡，否則相片都偏了色。陰公。

加上近呢一年睇東西有時對唔到焦會會朦朧，都有打算去驗一驗配番一副正式的眼鏡。有去近來好熱的日本眼鏡店睇過，有心水的聯乘框。如 Lisa Larson 系列咁…哈哈哈，然而，就在我遲疑緊的時候，青老師在其面書分享匯澄眼鏡店和新的防藍光鏡片，正呀。因為店子這幾個月來一直為手頭不充裕朋友們配眼鏡，所以我就決定去這間店配鏡喇。

驗眼結果令我都傻了眼，我既無近視又無老花，「可惜」有廿五度散光，連視光師都讚我個 result 好靚。以一個中年人來講我的確又值得自豪，或者我成鬼日都啤住人家的錯處啄落去，無對鷹眼真係演不下去。嘩哈哈。。儘管可以不用配眼鏡，不過我還是想連廿五度散光引起的不安感也褪去，所以配了這副廿五度散光用的防藍光眼鏡。

浮誇一點的框一直都係我的菜。哈哈。

這款防藍光鏡片，無偏黃，所以戴住來執相都無問題，正丫，執相最傷神啊。

鏡框有折，加埋鏡片，千七多點。

不得不說，這是我第一次以自己錢配眼鏡。以我的唔忍手能力，算平了。

或者下次去配副日本手工框。