Narayanhiti Palace Museum

雖然出發前的 itinerary  已寫好要參觀納拉揚希蒂王宮博物館，但當我人在當地， travel agency 又忍唔住再問我真係要去嗎？好悶喎。

來到尼泊爾，無理由唔去皇宮走轉喎。話哂都係一個國家的核心。況且，2001年6月1日發生了王儲在家族例行聚餐中無啦啦槍殺國王王后及家族成員，繼而開槍殺埋自己，前後十人死亡和一班傷者的滅門慘劇。之後，這家族的王位繼承人兼疑人在2008年廢除了國王制度，2009年皇宮就對外開放，從此，這座皇宮就成了博物館。係，才九年時間。

二百四十年的王朝故事，槍殺事件成了絕命的一擊。

由於皇宮就在 Thamel  附近，所以我是被安排坐電單車過去! 電單車即使係這裡的主要交通工具，可是從未坐過電單車的，還要在沙塵滾滾，人多車多兼不需戴頭盔的城市中人和私家車中左穿右插，都咪話唔驚。無計，硬住頭皮上車。

小巷出馬路，沙塵飛揚，儘管係五分鐘的車程，依然嚇得我。。

參觀皇宮係要放低哂身上家當包括相機手機，於是只有這兩幅相在入宮前和參觀後拍。

裡頭充滿傷感。

大門入口是一個招待過不少外國元首皇室的大廳。朝方向左走，有偏廳，各式會客室，幾個起居室，幾個寢室，書房，工作間咁。以為好大，實質不是。招待貴賓的睡房比平時睇酒店的總統套房還要細和簡陋。即使國王王后王儲的房都沒有驚喜。非常樸實無華，甚至顯得破舊晦暗。只有房的內像陳設的其他國家元首照片，國王的徽章，其他國家贈送的擺設，才隱約見到點點昔日輝煌氣派。只係，從破爛和囤積的灰塵中，突出整座皇宮在敗落。

命案發生不在主座，而係後邊一座建築物裡。博物館沒有還原往年前那飯廳的模樣，甚至當年的圖片都無一張，而整座建築內內外外好似頹垣廢墟咁，即係好似南固臺咁任期凋零剝落崩裂。好悲哀。飯廳，國王和親屬遇難地方，王后伏屍地方，王儲自殺地方，都長滿雜草，也佈滿灰塵，池也涸了，花園也沒人理。。。

早年地震後，也令整座皇宮維修（沒有保育）的負擔更重吧。

想起來，廿多年前去紫禁城，也是如此。

點都好啦，來到尼泊爾，總是要抽點時間來皇宮看看。