《符紙婆婆》42/18

10/09/2018

呢本書，我搵了銅鑼灣樓上書店代訂，五月卅一日經FB問，因想快點睇到書於是六月一日已到店付訂金。可是，直到呢日我都尚未收到通知本書到貨。究竟書店去了哪裡訂書？

嘿嘿，六月一至十月一。四個月。七月初問過話書要等多兩個星期左右到，想想店子應忙書展，都沒有再追問又追問。直到今日都未收到訊息取書。

六至九月間星子出的書，再沒有搵書店買，直接在台灣的網絡書店訂過來。睇埋添啦。

係，九月初我在台北時順道把這書買回來。哈哈。如果有日書店通知我到書，我會同佢講：9月6日我在台北機場大堂見過你…書，唔要，訂也唔要。是否這是一本消閒讀品就如此怠慢？

講返本書，講人為了某個「願」而求一張能實現願望的符紙。當然，所以事都有交換條件，而條件，是在符紙實現夢想後「收」，會「收走」什麼係連當事人也不知道。

講起上來，裡面有個故事幾似城寨鬼媽媽。

推。

人生的道理，不必下下要睇佛經史哲才有啟發啦。