《醜女與野獸》．43/18
16/09/2018
Barbara G. Walker
呢本書話好好睇又唔算，話唔好睇又唔係喎。不過，相較之下，都會睇，也會介紹。因為裡邊有D 身心靈的東西，而且，似乎好質疑否定那些「宗教」。
推介。
書早已在二手書APP度成功賣走了。
31.10.18
呢本書話好好睇又唔算，話唔好睇又唔係喎。不過，相較之下，都會睇，也會介紹。因為裡邊有D 身心靈的東西，而且，似乎好質疑否定那些「宗教」。
推介。
書早已在二手書APP度成功賣走了。
鬼故精華錄．前言
農曆七月十五那晚去了長春社辦的鬼故精華錄講座，是一個既講鬼也講古更會講鬼故的講座。係，我無寫錯，的確係長春社搞的活動，我跟朋友講起時對方都半信半疑，一個問：『嗄！長春社？』另一個就提醒我：『七月十五係盂蘭正日喎！』咦？咁，都報了名又留到位〔一票難求〕，我梗係照去啦。我當十四號完了就得。至多我帶多少少法器傍身。係呀，又要威又會戴頭盔咪就係我口囉。
哈哈，這已是第五年辦的同類活動。舉行地點係長春社會址內的小白屋，即係舊贊育醫院後座那已有百年歷史的建築物。而且啊，講座進行時，係全場熄燈咖。剩係個場都真係夠哂氣氛。哈哈哈。
呢晚主講者周樹佳分享鬼故如圖。
雖然話精華，但其實每個「出事地方」的 background 都講得好詳盡，而且主持還抱持「今日睇真D」精神，盡量親到現場拍攝錄影。〔主持曾是「今日睇真D」幕後〕
嗯…我唔清楚分享當日所聽到的事有否侵犯主講者的版權和相關組織人士的私隱。我盡量用其他化名去代替「人」或「地」。如果不能分享，我會把以下的內容悉數刪除。
因為太長，所以待續。
30.10.18
《很餓》47/18
張草極短篇
06/10/2018
呢本唔係新作，本來打算遲D買，不過既然在圖書館見到，就借來看啦。幸好，屏山的圖書館係較新的圖書館，館藏相對較新淨。
張草的作品非常好看。把人的陰暗面血淋淋地描繪出來。所以，自從睇過他一本著作後就成癮了。
這是一本集了多個極短篇的書，極短篇還要寫出恐怖感，是一項高難度挑戰。他拿捏人性很準，不必通篇講鬼，可是還會感到心寒。
推介。
Dove 護髮
年紀大，一唔用護髮素D頭髮真係梳唔到。急忙在屋企樓下連鎖店搵支護髮素買來頂住先。日本製係安心，但，太多人工香料吧…用唔慣太香噴噴的洗髮用品，感覺好鬼女人。〔當然我係女人…〕
也許，下回買男用的較為合我。哈哈。
29.10.18
《捉迷藏》50/18
11/10/2018
這是星子的陰間系列其中一部。陰間就好似呢個娑婆世界咁，非常混亂，也充斥著非人性的事。個人覺得這一部氣氛放緩了不少，像番外篇似的。
不過追開這系列的是緊隨隊形一本接一本看下去。
28.10.18
《鬼故女王》45/18
20/09/2018
好記得此書係山竹落波那晚因車程順利回到元朗，特登去書店買來慶祝。支持本地作家啦！況且，諗住呢本係經典丫嘛。雖然話係經典，可是睇勻全書，我唯一感覺係「中伏」囉。點解？一D都唔恐怖，無料到之餘，當中的故事往往突然突兀地收筆完結，無咩高潮，亦無咩餘韻，教人睇得納悶。大抵係作者本身不信有世間有鬼怪或靈異，所以落筆就住就住唔夠放。
幸好我只買銀裝版，金裝不會考慮買喇。
鬼故，還是聽別人分享真人真事好。
27.10.18
26.10.18
《諸神滅亡》52/18
21/10/2018
係。這是三部曲之二。最搞笑係，我在圖書館借了書返家時揭開來睇才知。幸好借的是第二部《諸神源亡》而非第三部，否則又要再去圖書館。雖然近月我確是 keep 住在圖書館磨爛蓆。猶幸係圖書館收八點加上回家路經，故此平日放工都可以匆匆入內走返一轉。哈哈。
這書和上一部一樣，未來和過去穿插在整本書裡。男主角依然是鳩思，女主角轉了人。轉了誰這裡不多說，看書找啦。
因為鳩思當年係跌在寺院的大雄寶殿內，於是在天啟六年那場毀滅性大爆炸後，他依然是寺內的沙彌。死唔去，也回不了未來，他沒有因此怠墯消極，反而一再在其他寺僧和佛經中獲得生命的啟發。故事搬出大量佛偈經典，撼動的豈止故事中的男主角？
是一部非常壯麗，氣勢也浩瀚的小說。
推介。
25.10.18
《小豆丁日記》．44/18
17/09/2018
因為有追開小豆丁的專頁同埋IG，所以出書無理由唔支持啦。的確好好睇，貓也畫得非常可愛呀！每個貓星人都好有性格，而且圓鼓鼓的，好想雙手抱緊處理。
推介。
24.10.18
《字鬼》．51/18
17/10/2018
《字鬼》係貓語人系列的第二部。
《殺意樹》之後，一直拖著《字鬼》未看，早前去圖書館磨爛蓆時在書架上見到，於是借回家睇啦。故事講男主角巫真和女主角方圓之間的曖昧和糾結，同時也有新的麻煩要一起面對。
此書比上一部寫得輕快順暢，而且各角色性格，令整個故事時代感重。至少，朋輩間的對話多是較賤嘴也愛彼些挖苦。是容易令讀者投入的故事。
在圖書館找到第三部喇，努力中。
冬瓜茶中伏記
同事知我有燘燒杯，於是送了這包買靈芝膠囊附的贈品我試。
嗯，英譯竟然係 Chinese Herb Tea …有無馬虎了點？成間公司無人識英文？
以上兩幅圖有沒有留意到什麼？係，連我都留意唔到。這些真空包裝之物，一撕開袋口就直接倒落杯泡熱水，半小時後扭開杯蓋望，至發現竟然有包防腐劑在茶料中間。
囧。
因為防腐劑係膠袋包裝，而且裡面D珠珠無溶到，我又唔想浪費整壺茶，於是挑出那防腐劑後繼續飲用。
唔好話我粗心大意。個盒面係無印住包茶料裡有防腐劑囉。
撇開呢單唔講，杯茶係偏甜，膩到當早餐都飽。
請一幅文殊九宮八卦圖
和朋友聊天，對方講起工作近況，佢對工作環境感覺不妥，我聽完後也擔心有「古怪」，於是跟另一朋友請教，他說可先去貝斯林金剛乘佛學會供請一幅文殊九宮八卦圖奉放在公司位擋煞。還說這中心的文殊九宮八卦圖已開光，也問過有存貨。於是，按朋友提供的訊息，whatsapp 了中心，在約好的時間去位於觀塘的佛學中心供請。
第一次來，原來可供請的法器有好多，不過我上到去中心時裡邊剛好正在上課，滿不好意思打擾大家，於是匆匆忙忙供請就離開。
因為有用，我也供請了一幅畀自己。
同時也供請一幅憤怒蓮師鐵蠍咒輪。九頭鐵蠍驅魔伏妖，把邪惡摧毀…
23.10.18
普慶 Astor
月初 family gathering 又係食自助餐，阿妹揀了呢間新開不久的普慶，在新裝修的逸東酒店地庫，哈哈，絕對係大驚喜。餐後已約了朋友，等夾好日期一起來再刷一餐啦。
精明的設計，把食物檯散置在八個 zone，每檯檯上都有floor plan 畀大家去指定地方取食物。這一天，我坐在凍肉、沙律、海鮮同燒烤幾個 zone ，好方便。
唔係晚市，只係午市，都好多選擇。
西班牙火腿現場有埋即切，真係好癲！
魚子…唔記得兩款係浸過咩喇。好有趣。
煙三文魚相對比較遜色了。
哈哈。去到最遠有中式熱葷，我夾了件豬手和好好肉地的蟹箝。小兜內是魚生部拎的沖繩水雲。
呢個不得了！係淮山蓉。超驚喜。
喜吃魚生的我，這日相對食得好少魚生。
燒烤區都好癲，有燒檸檬同燒 pineapple ！還有蝦，扇貝咁。。
再來。正正子！
提供的醬料款式產地多到你唔知點揀。
日式串串都過十款，齋食串串都抵，可是呢日行去幾次都等唔到燒白果，只好拿了其他款啦。
當然還有天婦良蝦。正！
羊架好好味。旁為燒甘荀。
Movenpick 任食。
蛋白杏仁茶！
軟雪糕都有，我梗係食抹茶啦。
扇貝每次燒八件。旋即被食客清哂，後來想吃都塞唔落喇。
店子全場用搪瓷，好正。呀。。還有玻璃樽裝汽水任飲。
好想快點再去。正。
唔好以為好貴，<HK$300 左右。
推介。
訂閱：
文章 (Atom)
